تعرف على أسباب وطريقة علاج إسمرار منطقة الإبطين
إسمرار منطقة الإبطين حاجة بتضايق معظمنا قوي، وبنكون مش عارفين ايه السبب، واستخدمنا حاجات كتير وبرضه مفيش فايدة، وعشان كدة حبينا في الموضوع نكلم دكتور الأمراض الجلدية هاني الناظر عشان نعرف أسباب وعلاج إسمرار الإبطين.
«الناظر» حدد 3 أسباب لإسمرار منطقة الإبط وبين الفخدين وهي:
- عامل وراثي: الإسمرار بيكون وراثة عند بعض الأشخاص، وناتج عن إفرازات خلايا صبغية اسمها «الميلانين» ودي بتعمل لون أسمر، وإذا زادت الخلايا دي عندك بتعمل سمار كثيف تحت الإبط وبين الفخدين.
- عامل غير وراثي: ده سببه وزن الجسم يعني لو وزنك زايد فمع احتكاك الإبط والفخدين هيؤدي ده لتكون لحدوث اسمرار. وبرضه اسمرار الكوع والركبتين بيكونوا سببهم اما عامل وراثي أو احتكاك.
- إصابات مرضية: في بعض الأمراض الفطرية زي «التينيا» ممكن تسيب أثار لون أسمر.
العلاج:
تجيبي كريمات تفتيح البشرة اللي بيكون فيها مواد تعمل على تكسير الصبغة السمرة الزيادة، وتقليل إفراز صبغة جديدة.
وكمان تجيبي مزيلات عرق من شركات معروفة عالميًا.
