لعشاق المسرح.. عروض كتير مستنياكوا في سبتمبر
المسرح بيختلف عن السينما في كون إن الإتصال فيه بيكون مباشر مع الجمهور وعشان كدة هو ليه سحره الخاص اللي دايمًا بيشد أي حد إنه يتفرج عليه ويعيش مع أبطاله مشاعرهم المختلفة.
وعشان كدة رصدنا في التقرير ده مجموعة من العروض المسرحية اللي هيتم عرضها في شهر سبتمبر عشان تستعد من دلوقت إنك تدخل في أجواء المسرح.
فانتازيون
مسرحية فانتازيون هتتعرض على مسرح الهوسابير يوم الخميس 1 سبتمبر الساعة 5 مساءً والمسرح موجود في شارع الجلاء، خلف مستشفى السكة الحديد, وسط البلد.
لو جاي بالمترو انزل محطة أحمد عرابي وبعد 20 متر هتكون في المسرح سعر التذكرة 25 جنيه وعشان تعرف تجيبها منين وكمان تعرف تفاصيل أكتر عن العرض اضغط هنا. الخروج عن النص
مسرحية الخروج عن النص للمؤلف أحمد نبيل والمخرج كريم سامي هتتعرض يوم السبت 3 سبتمبر الساعة 6 ونص مساءً في قاعة سيد درويش بجوار المعهد العالي للفنون المسرحية، ومبي، أول الهرم، شارع خاتم المرسلين. وعشان تعرف تفاصيل أكتر عن العرض من هنا.
هبط الملاك في بابل
وفي يوم السبت 3 سبتمبر برضه وكمان يوم الحد 4 هتتعرض مسرحية هبط الملاك في بابل للمخرج مصطفى أحمد على مسرح روابط بجوار قهوة التكعيبة بعد كشرى أبو طارق في شارع شامبليون وسط البلد.
والعرض يوم السبت هيكون الساعة 6 ونص أما يوم الأحد هيتعرض مرتين الأولى الساعة 6 مساءً والتانية الساعة 8. سعر التذكرة 15 جنيهاً وعشان تعرف هتجيبها منين من هنا.
الصفحة رقم 13
فرقة افانسية هتعرض مسرحية الصفحة رقم 13 يوم السبت برضه 3 سبتمبر علي مسرح الهوسابير في شارع الجلاء، خلف مستشفى السكة الحديد، وسط البلد. ولو جاي بالمترو انزل محطة أحمد عرابي.
الجمهور هيبدأ يدخل الساعة 5 والعرض هيبدأ 5 ونص. سعر التذكرة 20 جنيه وعشان تعرف هتجيبها منين وكمان تعرف تفاصيل أكتر عن أبطال العرض وأبطاله ادخل هنا.
مسجون 1664
فرقة كريشندو الفن هتعرض مسرحية مسجون 1664 يوم الإتنين 5 سبتمبر الساعة 7 ونص على مسرح قاعة الحكمة في ساقية الصاوي. سعرالتذكرة هيكون 20 جنيه. وعشان تعرف تفاصيل أكتر عن العرض اضغط هنا.
وإيه يعني
بمناسة عيد الأضحى المبارك هيعرض فريق أبيض في أسود مسرحية وإيه يعني للمخرج موريس عدلي أيام الأربع 7 سبتمبر، والخميس 8، والجمعة 9.
يوم الأربع والخميس دخول الجمهور هيكون الساعة 6 ونص أما الجمعة فالدخول الساعة 5 ونص. سعر التذكرة 30 جنيه والمسرحية هتتعرض على مسرح الفلكي في حرم الجامعة الامريكية بميدان التحرير، القاهرة وعشان تعرف إزاي تحجز تذكرتك إضغط هنا.
قابل للكسر
مسرحية قابل للكسر هتتعرض يوم الخميس 8 سبتمبر على مسرح مكتبة مصر الجديدة الساعة 7 مساءً وسعر التذكرة هيكون 20 جنيه وعشان تحجزها اتصل على 01151002711.
عنوان المكتبة في 42 شارع العروبة، تقاطع شارع بيروت مع شارع العروبة مصر الجديدة. وده رقم المكتبة 01142464426 عشان لو عايز تسأل برضه توصل ليها إزاي.
هرقل
فرقة سالب عشرين للفنون هتعرض العرض المسرحي هرقل للفيلم الكرتوني المقدم من ديزنى سنة1997 يوم الأربعاء 14 سبتمبر والخميس 15 سبتمبر الساعة 5 مساءً على مسرح الهوسابير في شارع الجلاء، خلف مستشفى السكة الحديد، وسط البلد. ولو جاي بالمترو انزل محطة أحمد عرابي. سعر التذكره 25 جنيه وعشان تعرف منين تحجزها ادخل هنا.
رحلات شرم الشيخ في سبتمبر.. بتبدأ من 100 جنيه بس
سكة سفر
أوسكار
فرقة كاراكترز المسرحية هتقدم مسرحية أوسكار يوم الإتنين 19 سبتمبر الساعة 7 ونص على مسرح قاعة الحكمة بساقية الصاوي. وسعر التذكرة هيكون 15 و20 جنيه.
علشان تكون صاحب مشروع ناجح.. كورسات «البيزنس» المجانية في سبتمبر
لما روحي طلعت
فريق كلاكيت هيعرض مسرحية لما روحي طلعت للمخرج اسلام طارق علام يوم الأربعاء 21 سبتمبر الساعة 4 عصرًا على مسرح الهوسابير في شارع الجلاء، أمام محطة مترو أحمد عرابي خلف مستشفي السكة الحديد وسط البلد. وعشان تعرف تفاصيل أكتر عن العرض ادخل هنا.
العشاء الأخير
مسرحية العشاء الأخير بطولة سيد رجب وعدد من النجوم هتتعرض من يوم الخميس 22 سبتمبر الى يوم الإتنين 26 سبتمبر الساعة 8 مساءً على مسرح الفلكي في حرم الجامعة الامريكية بميدان التحرير ٢٤ شارع الفلكى، وسط البلد، القاهرة. سعر التذكرة 40 جنيه وعشان تعرف هتجيبها منين اضغط هنا.
