رئيس التحرير أحمد متولي
 عيّد وانبسط مع حفلات «الأضحى».. من عمرو دياب لسيد درويش

عيّد وانبسط مع حفلات «الأضحى».. من عمرو دياب لسيد درويش

العيد خلاص قرب وعشان ميعديش عليك مرور الكرام زي كل سنة ? حبينا في التقرير ده نجمعلك مجموعة من الحفلات اللي هتتعمل في العيد عشان تحس بالفرحة.

بلاك تيما 

فريق بلاك تيما هيعيد معاكوا أول يوم العيد الموافق الإتنين 12 سبتمبر في قاعة النهر بساقية الصاوي الساعة 6 وسعر تذكرة الحفلة هتكون 50 جنيه.

عمرو دياب 

عمرو دياب هيحتفل معاكوا بالعيد يوم التلات 13 سبتمبر في «موسى كوست» عيون موسى، في راس سدر، من الساعة 8 مساءً لـ 12 مساءً. سعر الحفلة عادي ٢٠٠ جنيه وVIP جلوس ٥٠٠ جنيه وعشان تعرف أماكن بيع التذاكر ادخل هنا.

محمد حماقي 

 أما حماقي بقى هيعمل حفلة في بورتو السخنة يوم الاربعاء ١٤سبتمبر  والحفل من تنظيم شركة Talent W.M. ودخول الحفلة هيكون بدعوات واخر ميعاد لحجزها هيكون بكرة الخميس 8 سبتمبر الساعة 10 بليل  وعشان تعرف هتاخدها منين وكمان هتروح إزاي الحفلة ادخل هنا .

سميرة سعيد وشارموفرز

سميرة سعيد وفرقة شارموفرز عاملين حفلة مع بعض يوم 14 سبتمبر الساعة 8 بليل على شاطيء «بلوبلو» في العين السخنة منظماها مجموعة شركات مطاوع جروب للاستثمار العقارى والسياحي.

حضور الحفلة هيكون بدعوة هتملى الأبليكيشن بتاعها من هنا  عشان تحجزها وكمان هتتصل بالشركة على 16855 تأكد حجزك.

سيد درويش 

نتيجة بحث الصور عن سيد درويش

أما كورال سيد درويش هيعمل حفلة رابع يوم العيد الموافق 15 سبتمبر الساعة 8 بليل وهيكون فيها مجموعة من أغاني فنان الشعب. ومكان الحفلة  مسرح سيد درويش بنادى الإسكندرية الرياضي.

رغدة جلال الدين

رغدة جلال الدين

صحفية مصرية تكتب في المجال الفني، إلى جانب كونها ممثلة ومغنية بفرقة «بهججة»