رئيس التحرير أحمد متولي
 لطلاب حاسبات القاهرة.. اعرف الأسر ونماذج المحاكاة بالكلية

لطلاب حاسبات القاهرة.. اعرف الأسر ونماذج المحاكاة بالكلية

كتب: هندرضا

يعد النشاط الطلابي من أهم العوامل التي تؤثر في بناء الشخصية الطلابية بشكل كبير، وتساعد هم على كسب خبرات عديدة، طالب سنة أولى دائما ما يفاجئ بكل جديد داخل حرم الكلية لبعض الأسر أو أنشطة الاتحاد أو نماذج المحاكاة.

في هذا التقرير يتناول شبابيك أهم الأسر الطلابية ونماذج المحاكاة المتواجده بكلية الحاسبات والمعلومات جامعة القاهرة.

1- أسرة 180 درجة

تعتبر من أهم الأسر الموجودة في حاسبات القاهرة، واللي تم إنشائها في 2011، وتم إنشاء فرع في جامعة حلوان عام 2014، واللي نشاطها قائم على خدمة طلاب حاسبات ومعلومات، بكل ماهو متعلق بمجال الويب ديزاين وغيره من البرمجيات.

تسعى لمساعدة الطلاب ببعض الكورسات في مجال الويب، إضافة لكتير من الأعمال الخيرية، اللي بتساعد بيها المجتمع، وده بيناسب الطلاب اللي عندهم ميول للأعمال التطوعية.

أهم إيفينت قامت بيه 180درجة السنة اللي فاتت، كانت حملة تعريفية للطلاب الجدد في حاسبات القاهرة، للتعرف على الأسرة، وعلى الكلية، ومجالات العمل فيها.

2-أسرة فكرة

نشاط طلابي، بدأ في 2012، بالكلية هدفه هو نشر الوعي بمجال الـ«computer science»، وتعريف الطلاب بالمجال، ومساعدتهم على تنمية فكرهم.

أسرة فكرة كل سنة، بيكون ليها 3 مشاريع منها:

المشروع الأول

«Academic project» وده بيستهدف طلاب الجامعة، وبيبقى عبارة عن «workshop» في tool معينة في مجال الـ«Computer Science» بيتم شرحها علي 8 محاضرات، بعدها بيتم عمل project day بيعملوا مشروع بالـ tool اللي اتعلموها.

المشروع الثاني

وهو الـ«juniors project،» وهدفه تنمية وعي الأطفال، بمجال«Computer Science»، من خلال نزول المدارس، بالإتفاق مع وزارة التربية والتعليم، وده بيأهلهم لفهم المجال والاستفادة منه، وعمل مشروع في نهاية المحاضرات.

المشروع الثالث

وهو الـ«events» اللي بتم طول السنة، وكلها ليها علاقة بمجال الـ«computer science»، وبتختلف من سنة لسنة، أهم event  قامت بيه فكرة السنة اللي فاتت، كان Plus one 4.0، وهو بيكون مقدمة في المجال لكل المهتمين بيه بما فيهم طلاب الجامعات التانية، وطلاب الثانوية العامة.

وبالنسبة لنماذج المحاكاة الموجودة في حاسبات القاهرة فهي كالتالي:

SCCI

وهو اختصار لـ«Students Conference on Communication and Information»، وتعتبر من الأنشطة الطلابية المتواجدة بشكل واضح في حاسبات، ولا تقتصر على طلابها فقط، وبتقوم عمل ورش، ومحاضرات على مدار الترم، وبتكون يوم الجمعة من كل أسبوع، بتقدم خلالها مجموعة من ورش العمل في مجالات ليها علاقة بالبرمجة زي   «Appsplash» وده من خلاله بيتم تعليم الأعضاء طريقة عمل موبايل ابليكشن، «Markative» بيتم من خلاله شرح قواعد وطرق التسويق المختلفة.

طرق التسويق

من ضمن طرق التسويق الإلكتروني:

«Investeneur»

من خلاله بيساعد الطلاب في أي مجال، إنهم يبدأوا، العمل الشخصي الخاص بهم، واللي بيساعدهم على بناء مستقبلهم.

«Techsolve»

يساعد على تقديم حلول لبعض المشكلات الموجودة في بعض الأماكن، عن طريق البرمجة، وكمان لو إنت موجود في SCCI هتتعلم مهارات التواصل مع الآخرين، والفوتوشوب، وإزاي تعمل cv، ومهارات القيادة في العمل.

أهم الايفنتات

خلال السنة اللي فاتت، كانت SCCI'16 Festival  ، وفلكلور مختلف للطلاب، وقافلة الخير، دي بمساعدة جمعية رسالة، ومكان القافلة كان في قرية الرهاوي في الجيزة، واللي تم التبرع بمبالغ لمساعدة القرية.

ESEA

وهو اختصار لـ «Egyptian software engineer’s association» أو الجمعية المصرية لمهندسي البرمجة، واللي تم إنشائها في 2004، لكن التيم الموجود في حاسبات من 2013.

الهدف من الجمعية

إنشاء نقابة لخريجي حاسبات ومعلومات، ومساعدة الطلاب، من خلال عمل أنشطة للطلاب، وإنها تكون حلقة وصل بين الطلاب وأعضاء الجمعية.

ما الذي تقدمه الجمعية

تقدم للطلاب «courses ، workshops، Outing، events» ومقسمة لمجموعة من اللجان، منها:

FR.. مسئولة عن التعامل مع الرعاة في أي ايفينت وعمل دراسة للتكلفة.

HR.. واللي موجود في اللجنه دي بيكون مسئول عن عمل المقابلات الشخصية، وإدارة الأحداث المهمة اللي بينظموها.

ESEA، PR.. اللجنة دي فيها المتحدثين الرسمين اللي بتعاملوا مع الإعلام، ومع أعضاء اللجان.

coordination.. اللجنة دي مسئولة عن تنظيم الأحداث والتصميم ليها بشكل يتناسب مع مضمون الحدث نفسه.

social media.. الفريق ده مسئول عن التسويق الإلكتروني للأسرة، عن طريق صفحات التواصل الاجتماعي.

Arts.. مسئولة عن التصاميم والرسومات، وعمل المونتاج للمشروعات، والإعلانات، اللي بيتم إنشائها داخل الأسرة.

أهم الايفنتات اللي قامت بيها ESEA، السنة اللي فاتت:

ـ كانت أوتينج في شارع المعز، وعمل مجموعة من الكورسات بأسعار مخفضة للطلاب، منها تصميم المواقع، والفوتوشوب، وكمان قاموا بعمل ورشة presentation Skills  لتعليم مهارات العرض والتقديم، وطرق جذب الجمهور في أي عرض، مع مراعاه لغة الجسد.

ـ وإيفينت how to choose your career، وكل سنة بيتم فتح باب التقديم للاشتراك في ESEA.

Microsoft Tech Club

وهو نشاط طلابي، تم إنشائه تحت رعاية شركة مايكروسوفت، وكلية الحاسبات والمعلومات، بتساعد الطلاب في مجال البرمجة، عن طريق تقديم كورسات، وورش عمل، في مجالات البرمجة المختلفة، وبيبدأ نشاطها داخل الكلية بشكل كبير، في الترم التاني من السنة الدراسية، وكمان بيتقوم بعمل رحلات وعروض ترفيهية للطلاب.

هند رضا

هند رضا

صحفية، في كلية الإعلام بجامعة القاهرة، وتكتب أخبار تخص الشأن الطلابي والسياسة بموقع شبابيك