رئيس التحرير أحمد متولي
 مفيش في الحب موضة (شعر)

مفيش في الحب موضة (شعر)

      قصيدة لـ:محمود صلاح

مفيش فى الحب موضه
ولا فى بين البينين
بيقولوا مرايته عاميه
وبتعميك مرتين
المرة الأولى نظرة 
بتشوف بعنين ملايكه 
وبيبقى العقل فين
والمرة التانية كلمة 
بتقولها وتبقى واعى
فى عنيك لهفة مشاعر غرقانة بدمعتين
وبتحتار هو فعلا الحب عذاب وجرح
ولا الناس انهاردة فاهمين الحب ضعف
دا الحب كفاح سنين
غربة بتنزف حنين
و أدين ليك شقيانين
ولا عمر الحب كان بالمال او بالجمال
الحب بيبقى اجمل لما يطوله الحلال
لو حتى مفيش فلوس 
وهنشرب عرق سوس 
وحياتنا هتبقى جنة 
لو حتى الشقة أوضه
دة مفيش فى الحب موضه
ولا فى الحب نيش
والشبكة متساويش
الحب ملوهش سعر
دا شاريكى متبيعيش
الحب نصيب هييجى 
ومهواش أكل عيش

المقالات والمشاركات المنشورة في قسم «شباك» تعبر عن رأي كاتبها، وليس لـ«شبابيك» تدخل في صياغتها ولا مضمونها.
 

شبابيك

شبابيك

منصة إعلامية تخاطب شباب وطلاب مصر