احتفل بالحكم هناك.. 4 رحلات لتيران وصنافير
بعد إقرار المحكمة الإدارية العليا بمصرية جزيرتي تيران وصنافير، بيرصد ليكو «شبابيك» في التقرير ده، عدد من الرحالات السياحية اللي طالعة خلال الفترة جايه للجزيرتين، لو بتفكروا تستمتعوا بالجمال الساحر للجزر المصرية تيران وصنافير.
24 صورة ساحرة لجزيرة «تيران».. كما لم تراها من قبل
OscaR traveL
فريق «أوسكار ترافيل» هيطلع رحلة لجزيرة تيران يوم الجمعة 9 فبراير. التحرك للرحلة هيكون يوم الخميس 8 فبراير، أما الرجوع فهيكون السبت 10 فبراير.
سعر الرحلة مش هيزيد عن 250 جنيه. هتبدأ الرحلة من الساعة 8 الصبح لـ 5 المغرب، وهتكون متواجد فيها على يخت على مسافة من جزيرة تيران. أما من 5 لـ 11 بليل هيبقى متاح ليك تعمل اللي أنت عايزه سواء سفاري أو أي حاجة تانية.
عشان تعرف تفاصيل أكتر تابع الإيفينت اللي هينزل على الصفحة من هنا.
وعدوا بالاستقالة ومليون جنيه.. ماذا سيفعل هؤلاء بعد حكم تيران وصنافير؟
Re7alat team
وبداية من يوم 27 يناير «فريق رحلات» هيطلع رحلة لشرم الشيخ بيبدأ سعرها من 775 لحد 1600 جنيه، والأسعار ديه اختلافها على حسب الفندق. ومن ضمن رحلة شرم هيكون فيه رحلات اختيارية لعدة أماكن منها جزيرة تيران اللي هتبقى عبارة عن يخت بتشوف من عليه الجزيرة على مسافة منها وهيكون سعرها 150جنيه.
ولمعرفة تفاصيل أكتر تابع صفحة رحلات من هنا.
«يوم الخلاص».. أول أغنية عن تيران وصنافير
Rove egypt
مع بداية فصل الصيف، بحسب مسئولين في فريق «Rove Egypt» هيكون فيه رحلات لشرم الشيخ 4 أيام 3 ليالي، هتتضمن رحلات لتيران وصنافير.
تقدر تتابع صفحة «Rove Egypt» من هنا.
بعد الإقرار بمصرية تيران وصنافير... ماذا كتب «البرادعي وخالد علي»؟
رحلات المصري
أما فريق «رحلات المصري» هيطلع يوم 2 فبراير رحلة لشرم الشيخ 4 أيام 3 ليالي سعرها 625 جنيه، والاقامة هتكون في فندق فالكون هيل. ومن ضمن برنامج رحلة شرم الشيخ هيكون فيه اختيارات لرحلات مختلفة تقدر تطلعها من ضمنها رحلات لتيران هيكون سعرها 150 جنيه وهتبقى موجود على يخت وهتشوف الجزيرة على بعد مسافة 150 متر.
وخلال الرحلة بحسب الفريق، تقدر تعمل «سنوركلينج» جمب اليخت لأن الجزيرة عامة مبيكونش متاح إن الناس تنزل عليها وتتصور لأنها «منطقة عسكرية».
عشان تعرف تفاصيل أكتر تابع الصفحة من هنا عشان تشوف الإيفينت لما ينزل.
