الحق احجز.. حفلات وغناء شعبي ومهرجان ألوان في أول أيام العيد
العيد يعني الخروجات والفسح والانبساط من أول اليوم لآخره ولو عايز تخرج في العيد بس مش عارف تروح فين هندلك على الأماكن اللي تقدر تروحها أول يوم العيد وتعيد معاها أحلى عيد.
فرق أندرجراوند
مجموعة فرق أندرجراوند هتكون موجودة في مكان اسمه القاهرة أندرجراوند «Under ground cairo » وهما المهرجان، Dj dina، Hip hop rnb. عنوان المكان هيكون 23 شارع سوريا المهندسين وعشان تحجز وتعرف تفاصيل أكتر اتصل على 01003398000.
أغاني شعبية
أما فرقة النيل هتكون موجودة في بيت السحيمي بالجمالية حارة الدرب الأصفر شارع المعز وعشان تعرف ميعاد تواجدها امتى بالظبط اتصل على 27878865. والفرقة بتقدم مجموعة من الأغاني والرقصات والمواويل الشعبية.
مهرجان الألوان
عايز تلعب وتنبسط وتعيش حياة مليانة ألوان يبقى روح مركز شباب منيل شيحة بجوار نادي نايل براديس، الجيزة هيكون هناك فيه لعب بالألوان ودي جي وتصويروفقرة للمواهب لو نفسك تغني أو تمثل هتطلع وتفرج الناس وحاجات تانية كتيرة هتكون هناك من الساعة 5 بليل لـ11 بليل. و كل اللي عليك انك تتصل على أحد منظمي الحفلة عشان تحجز.
محمد رجب 01028269281 - 01150671036
أحمد حسن 01028159158
سعر تذكرة الحفل 50 جنيهًا.
موسيقى
وفي مكان اسمه «The tap east » هيكون فيه حفلة موسيقية راقصة وسعرها هيكون 200 جنيه شاملة المشروبات المكان موجود في منتجع ستيلا ، شارع محمد نجيب، القاهرة الجديدة .عشان تحجز وتعرف تفاصيل أكتر عن الحفلة وميعادها كمان اتصل على 01060000869
فطار مع العود
مطعم عيش وملح من الساعة 12 الضهر لحد الساعة 4 العصر عامل قاعدة فطار وانت بتسمع ألحان العود الجميلة، عنوان المكان 20 شارع عدلي قدام المعبد اليهودي وسط البلد.
