حفلات ليلية في تاني أيام العيد.. احجز من دلوقتي
لو مخرجتش في أول يوم العيد وقررت إنك تنزل تاني يوم بس مش عارف تروح فين متقلقش هنقولك على مجموعة من الخروجات اللي هتبسطك.
مسرحية لعبة العراف
الساعة 9 بليل مسرحية لعبة العراف هتتعرض على مسرح الغد بالعجوزة والمسرحية من اخراج عمر الشحات وهى مسرحيه كوميدية عن الاسطورة اليونانية اوديب للشاعر هوميروس. عنوان المسرح كورنيش النيل العجوزة بجوار مسرح البالون.
حفل هيب هوب
وفي مكان اسمه «The tap east» هيكون فيه حفل موسيقى هيب هوب وسعرها هيكون 200 جنيه شاملة المشروبات المكان موجود في منتجع ستيلا ، شارع محمد نجيب، القاهرة الجديدة عشان تحجز وتعرف تفاصيل أكتر عن الحفلة وميعادها كمان اتصل على 01060000869
كرنفال هايبر وان
مول «هايبر وان» هيكون فيه كرنفال يجمع بين فقرات اراجوز مهرج، شخصيات كرتونية، دى جى، فرقة فنون شعبية، تنورة، الرجل القبقاب، الساحر.
الحفلة هتبدأ من الساعة 6:30 لـ9,:30 بليل وهتكون مجانية.
فرع هايبر وان موجود في طريق مصر اسماعيلية الصحراوى الكيلو 52 امام جهاز مدينة العاشر من رمضان.
