رئيس التحرير أحمد متولي
 خروجات تالت أيام العيد في القاهرة والجيزة

خروجات تالت أيام العيد في القاهرة والجيزة

النهاردة تالت يوم في العيد ولو بتفكر تخرج فين، هنقولك على مجموعة خروجات تقدر تقضي فيها يومك مع حبايبك.

فريق بلاك تيما

نتيجة بحث الصور عن بلاك تيما

الساعة 7 بليل فريق بلاك تيما هيعمل حفلة على مسرح النهر في ساقية الصاوي وسعر التذكرة هتكون 75 جنيه. وبلاك تيما قدموا خلال تاريخهم مجموعة من الأغاني المميزة منها بحار، مكعب سكر،زحمة.

فيلم مشبك شعر

نتيجة بحث الصور عن فيلم مشبك شعر

الساعة 4 العصر النهارده التلات، هيتعرض فيلم «مشبك شعر» في مسرح الحكمة بساقية الصاوي وهو يعتبر أول فيلم جرافيك طويل للأسرة المصرية والعربية، مدة الفيلم 45 دقيقة، وهو فيلم تاريخي بتبدأ أحداثه بقصة  «خع ام واست» الابن الرابع للملك رمسيس الثانى.

هتسمع خلال الفيلم صوت مجموعة من النجوم بيحكوا ليك القصة اللي هتتفرج عليها وهما أحمد راتب، سامى العدل، لطفى لبيب، ريهام عبد الغفور، إيناس مكى.  وسامى مغاورى، عادل هاشم، ضياء الميرغنى، بيومى فؤاد،عهدى صادق.

سعر التذكرة 25 جنيه.

موسيقى بوب

وفي مكان اسمه «The tap east » هيكون فيه حفلة موسيقى البوب وسعرها هيكون 200 جنيه شاملة المشروبات المكان موجود  في منتجع ستيلا، شارع محمد نجيب، القاهرة الجديدة .

عشان تحجز وتعرف تفاصيل أكتر عن الحفلة وميعادها كمان اتصل على   .01060000869

حفل هايبر وان

مول «هايبر وان» هيكون فيه كرنفال يجمع بين فقرات اراجوز مهرج، شخصيات كرتونية، دى جى، فرقة فنون شعبية، تنورة، الرجل القبقاب، الساحر.

الحفلة هتبدأ من الساعة  5 لـ8 بليل وهتكون مجانية.فرع هايبر وان موجود في الشيخ زايد مدخل رقم 1 مدينة الشيخ زايد.

رغدة جلال الدين

رغدة جلال الدين

صحفية مصرية تكتب في المجال الفني، إلى جانب كونها ممثلة ومغنية بفرقة «بهججة»