فرحك قرب ونفسك تبقى «هارون الرشيد» في زمانه :) يبقى تروح واحد من الحمامات اللي هنقولك عليها في التقرير ده، ودي شغلتها العناية بالجسم، وهتساعدك تحس بانتعاش وروقان قبل ليلة الدخلة يا عريس.

حمام السلطان

الحمام دايمًا بيقدم عروض بأسعار خاصة للعريس وآخر عرض موجود دلوقت هو عبارة عن باكيدج فيها حمام تركي، وحمام بخار، وتكييس الجسم بالكامل، وإزالة الجلد الميت. وكمان حمام فوم، ومغطس ساخن، وساونا، جاكوزي، وماسك للوجه باستخدام طمي، وحمام كريم للشعر، وماسك طمي تركي للجسم بالكامل، وماسك غار للجسم بالكامل، وماسك بالزيوت العطرية للجسم بالكامل، وجلسة مساج للجسم بالكامل مدتها 45 دقيقة. وفيه كمان باكيدج لأربعة من أصحابك يقدروا يستمتعوا بيها وهما معاك لو ناوي في اليوم ده تروحوا سوا.

عرض باكيدج الصحاب

كل واحد منهم هيعمل حمام تركي كامل، وده بيكون فيه حمام بخار، وتكييس الجسم بالكامل، وإزالة الجلد الميت، وعمل حمام فوم، وهيقعد في مغطس ساخن، وساونا وجاكوزي. وماسك جسم باستخدام طمي تركي وجلسة مساج، و ماسك طمي بحر ميت. وبعد كده هتشربوا أي عصير فريش تحبوه.

سعر الباكيدج 2500 جنيه بدلا من 4000 جنيه يعني كل واحد واحد فيكوا هيدفع 500 جنيه. لكن لو أنت هتروح لوحدك فهتدفع للباكيدج الخاصة بيك واللي سبق اتكلمنا عنها 750 جنيها وده في فرع حمام السلطان في ٥ مربع ١١٨١ شارع سيد زكريا، مربع الوزراء، مساكن شيراتون.

ولو هتروح الفرع التاني لحمام السلطان داخل مول ميراج علي طريق السويس الدور الاول هتدفع 1000 جنيه. وعشان تحجز هتدخل على موقع حمام السلطان من هنا والمواعيد هتكون من 8 بليل لي 3 الفجر لو عايز تزور صفحة الحمام من هنا

التليفون: 0114 444 5706

حمام التلاث الشعبي

بيتميز الحمام بأسعاره الرخيصة وفي نفس الوقت الجودة المميزة وبيقدم ليك مساج، وبخار، ومغطس ساخن وبارد وتدليك وتكييس، وماسك ورد، وغيرها من الحاجات اللي تقدر تتعرف عليها من خلال الفيديو.

عنوان الحمام: 4 شارع الأنصاري، خلف مركز التجارة العالمي، كورنيش النيل، خلف قسم شرطة بولاق.

رقم التليفون: 01143739609

المواعيد من 6 بليل لـ6 الصبح.

حمام الملوك

شهريار 

الحمام يعتبر أكبر حمام مغربي وتركي وبيقدم برنامج للعريس اسمه «شهريار» وهتستمتع فيه بحاجات كتيرة وهي حمام مغربي، وتركي، وكليوباترا وبيتم فيها استخدام اسكرب للجسم مكون من خلطات مغربية وبيتلف الجسم بلفة الموميا اللي بتحتوي على زيوت طبيعية منها زيت اللوز وده عشان البشرة يحصلها عملية ترطيب وتغذية وتنعيم.

وفيه جزء عطري وبيتم فيه استخدام أعشاب مغربية وعطور خليجية بتتحط على الجسم. وبيكون فيه تنضيف للبشرة، ونص ساعة مساج، ونص ساعة دكتور فيش، وده عبارة عن أسماك صغيرة بتبدأ تشيل الجلد الميت من الجسم.

سعر البرنامج 700 جنيه وتنفيذه بياخد وقت من 4 إلى 5 ساعات تقريبًا.

ملوك 350 جنيه

ولو عايز برنامج بسعر أقل هيبقى «الملوك» بـ350 جنيه وبياخد وقت حوالي ساعتين وهتستمتع فيه بحاجات كتير برضه منها الساونة، وبخار، وتلييف بالليفة المغربية، وماسك، وغسول الشرفاء وده عبارة عن غسول بيتم استخدامه لشد وتنعيم البشرة، وجلسة لعمل استرخاء للعضلات.

عنوان المكان: بعد ميدان القومية قبل مطعم طأطأ بشارعين، على ناصية الشارع نصر الدين للملابس، وبجوار مسجد وماركت أم القرى، الشرقية، الزقازيق.

رقم التليفون: 0100 056 4299

مواعيد العمل: من 9 بليل لـ 3 الفجر.

زور صفحة حمام الملوك من هنا.

حمام عوكل

يعتبر من الحمامات الشعبية اللي أسعارها في متناول الإيد، يعني هناك على سبيل المثال البخار، والماسك، والتكييس، والغطس السخن والساقع بـ150 جنيها. والحمام موجود في بولاق أبو العلا، شارع بولاق الجديد، عند وكالة البلح، وتحت إدارة الحاج عوكل المسري.
رقم التليفون: 01115050121 و01005790760

مواعيد العمل: من 6 المغرب لـ 6 الصبح.

وعشان تعرف تقييم الناس على الحمام ادخل هنا.

حمام غزال

أما حمام غزال فبيعمل عروض  في متناول الكل برضه يعني في عرض لغاية يوم 15/7 هيبقى حمام غربي وده بيبقى موجود فيه ساونا ، حمام بخار ، جاكوزي ،تكييس الجسم كله بالليفة المغربية عشان الخلايا الميتة تتشال والبثور السوداوده بيبقى فى أوضة خاصة علي رخام حراري وجو البخار والموسيقي.

وماسكات للجسم من طمي مغربي لصابون مغربي لماسك عطري. وفيه ماسك للشعر بعد البخار، ماسك طين البحر الميت للبشرة، وجلسة مساج للجسم. وكل ده هيكون سعره 499 جنيه بدل من 875. وفيه عرض تاني لأصحابك لو هيجوا معاك وهو حمام تركي وده بيكون فيه حمام بصابون الغار.

وده ليه فوايد كتيرة على الجسم، وحمام بخار، تكييس بالليفة لازالة الخلايا الميتة والبثور السوداء والدهون المتراكمة علي سطح الجسم، وتلييف بالفووم المعطر الملطف للجسم، كمان العرض فيه ساونا وجاكوزي. وجلسة مساج٢٠ دقيقة لتنشيط الدوره الدموية وفك تقلصات عضلات الجسم. والعرض ده هيكون سعره 299 جنيه بدل من 400.

عنوان الحمام شارع 12 المنطقة التانية الحي الخامس، التجمع الخامس.  
للحجز والاستفسار اتصل على ٠١٠١٨٤٧٢٢٢٥

ادخل على صفحة الحمام من هنا

حمام مرجوش

مرجوش بقى أسعاره خاصة جدًا ليك يعني لو عايز تعمل بخار وتكييس بس هتدفع 65 جنيه، ولو بخار وتكيس ومعاهم زيوت تدليك ومساج التلديك والمساج هتدفع  85 جنيه، ولو عايز تعمل بخار وتكييس، زيوت تدليك، مساج بالإضافة للصابون المغربي هتدفع 110 جنيه.

العنوان 40 أمير الجيوش الجواني متفرع من ميدان باب الشعرية، الجمالية، قسم الجمالية.

المواعيد من 7 المغرب لـ 4 الصبح.

أرقام التليفون

01225485880

01111283923

01204100032

عشان تشوف الحمام وتعرف أراء الناس ادخل هنا

2
0
0
0
0
0
0

شارك المقال