خروجات الخميس.. مسرحيات وحفلات موسيقى عربية هتنسيك تعب الأسبوع

أكيد بعد تعب الشغل طول الأسبوع لازم نفصل بخروجة مختلفة، ولو محتار تروح فين إحنا هنقترحلك أماكن لخروجة الخميس.

سينما 30

معرض العرائس هيعرض الساعة 6 بالليل مسرحية سينما 30 ضمن فعاليات الدورة العاشرة من المهرجان القومي للمسرح، وهي من أداء فريق كلية التجارة بجامعة عين شمس.

حفل المولوية المصرية

والساعة 7 في قاعة النهر بالساقية هيكون في حفلة المولوية المصرية وهتسمع أجمل موسيقى عربية مع الفنان عامر التوني ، وسعر التذكرة لأعضاء الساقية 45 جنيه وبـ50 جنيه لأي حد تاني، وتقدر تحجز أونلاين من هنا.