النهاردة مليان خروجات جديدة، واحنا جبنالك حبة خروجات مطرقعة ومينفعش تتفوت عشان في عروض لأول مرة.

مسرحية أرض زيكولا

معظمنا سمع عن رواية (أرض زيكولا) سواء قرأتها أو لا، فانت عندك الفرصة إنك تشوفها مسرحية النهاردة على مسرح ساقية الصاوي.

فرقة ريجنسي بالاس هتعمل عرضين النهاردة، الأول من 5 لـ7 مساءً وتقدر تحجز من هنا.

والعرض التاني من 7 لـ9 وده تقدر تحجزله من هنا.

سعر التذكرة 25 جنيه لأعضاء الساقية و30 جنيه لغير الأعضاء.

حفلة كاروكي

بالنسبة للي عايزين يتبسطوا بحبة أغاني حلوين من فرقة كاروكي، فانتوا معادكوا النهاردة من

8 لـ 11:30 في رووم كافيه اللي في 10 شارع اتحاد المحامين بجاردن سيتي.

والمينيمم تشارج في الكافيه 50 جنيه.

الحلقة الأخيرة من صراع العروش

أما بقى عشاق المسلسل الأسطوري GAME OF THRONES أكيد مستنيين الحلقة الأخيرة، واحنا هنقولكوا على مكان تروحوا تتفرجوا على الحلقة فيه وتستمتعوا بنهاية مشوقة زي ما اتعودتوا في المسلسل.

ورك سبيس (مشترك) اللي في 37 شارع عمان في الدقي هيعرض الحلقة الساعة 6:30 مساءً وتقدروا تحجزوا من هنا.




0
0
1
0
0
0
0