رئيس التحرير أحمد متولي
 خروجات الخميس.. حفلات وعروض ومسرحيات

خروجات الخميس.. حفلات وعروض ومسرحيات

النهاردة الخميس وأكيد بنبقى محتاجين خروجة حلوة عشان نرتاح شوية من الشغل، ولو مش عارف تخرج فين إحنا هنقترحلك خروجات حلوة تبسطك.

الليلة الكبيرة في المعز

أوبرت الليلة الكبيرة رجع من تاني في مسرح الشاعر أمام مجموعة قلاوون بشارع المعز.

هناك هتستمتع بحضور العرض اللي كان من سنين وهيفكرك بأيام زمان، وهيكون في عروض لشخصيات: «الأراجوز، بائع الحمص، بائع البخت، القهوجي وغيرها من الشخصيات» ولمدة 40 دقيقة مجانا.

في عرض النبي

فرقة «سوء تفاهم» هتقدم عرض صوفي كوميدي وهو مسرحية «في عرض النبي» على مسرح الفلكي بالجامعة الأمريكية في التحرير.

هيكون في عرضين الأول الساعة 5 مساءً والتاني الساعة 8.

أسعار التذاكر 40 و70 جنيه وتقدروا تحجزوا من خلال الأرقام: 01018031304- 01113011810، أو من خلال رسالة على الصفحة.

حفل المولوية في الساقية

والساعة 7 مساءً هيكون في حفل المولوية المصرية بساقية الصاوي.

وسعر التذكرة 50 جنيه وتقدر تحجز أونلاين من هنا.

عبدالله عبدالوهاب

عبدالله عبدالوهاب

مراسل موقع شبابيك بالجامعات المصرية، يقيم في محافظة الفيوم