طالب الرئيس عبدالفتاح السيسي المصريين بالتماسك يدا واحدة من أجل مواجهة أي تهديد خارجي، وأشار بقبضة يده في إشارة إلى ضرورة تكاتف الجميع.

وخاطب المصريين أثناء افتتاحه عددا من المشروعات في قناة السويس اليوم السبت: «كل ما هنستحمل أكتر كل لما هنطلع لقدام أكتر.. النجاح ليه تمن وبتعب.. اوعوا تفتكروا إن النجاح من غير تعب».

وقال: «سنقدم تضحيات بالمال والعرق والدم».

واتجه بحديثه إلى أراضي سيناء وقال بلهجة واثقة: «متقلقوش محدش يقدر ياخد حاجه.. انتو اللي تخوفوا الدنيا كلها محدش يقدر يطمع في أرض ولا أي حاجه.. مستعدين نضحي من أول أنا.. والله العظيم ولا حد أبدا يمسك يا مصر ولا يمس أرضها ولا شعبها طول ماحنا موجودين».

وأكد على ضرورة الوحدة والتكاتف: « ضروري نكون مع بعض وكتلة واحدة ونكون واثقين في الله وفي جهدنا.. جهد مخلص وأمين وشريف في زمن عز فيه الشرف».

وأعلن عن خطة سكانية لتخطيط عمراني متكامل في سيناء بتكلف 100 مليار جنيه ينتهي في غضون من عامين لثلاث سنوات.

وشكر الرئيس، القوات المسلحة التى نفذت مشروعات أنفاق قناة السويس، وأعرب عن أمله فى إقامة مشروعات أكبر من ذلك، وتسائل: «معرفش الشركات هتبقى مستعدة إنها تشتغل معانا فى المرحلة الرابعة للمترو اللى طولها 14 كيلو متر ولا لأ».

وتابع: «لن تكون أسعار هذه المشروعات عادية للمستخدم زى ما بتتقدم دلوقتى، أنا بكلمكم بصراحة، هتاخد 30 مليار جنيه علشان تعمل خط مترو أنفاق بس من غير معدات، بالإضافة لـ13 مليار أخرى معدات، ده مش هينفع إن احنا نعمله بسعر التذكرة الموجود دلوقتى، ولا بضعف التذكرة، ولا بـ3 أضعافها بصراحة كده».

 




0
0
0
0
0
0
0