نشر الفنان حمزة نمرة، أغنية جديدة، داري يا قلبي.. من ألبوم «هطير من تاني»، عبر صفحته الرسمية على موقع التواصل الاجتماعي «فيس بوك».

كما نشر  كليب الأغنية على موقع التواصل الاجتماعي يوتيوب وحصدت في أقل من 24 ساعة على نحو المليون والنصف مشاهدة.

وجاءت كلمات الأغنية كالتالي:

مالك مش باين ليه؟.. قلبك تايه من مدة كبيرة

خايف تتكلم ليه.. في عيونك حيرة وحكاوي كتيرة

متغير ياما عن زمان ... قافل علي قلبك البيبان

حبيت وفارقت كم مكان.. عايش جواك

احساسك كل يوم يقل.. وتخطي وخطوتك تذل

من كتر ما أحبطوك تمل.. فين تلقى دواك

بتودع حلم كل يوم.. تستفرد بيك الهموم

وكله كوم والغربة كوم.. والجرح كبير

مابتديش حاجة اهتمام.. أهلاً أهلاً.. سلام سلام

بقى طبعك قِلة الكلام.. ومافيش تفسير

داري داري.. يا قلبي مهما تداري قصاد الناس حزننا مكشوف

وأهو عادي عادي.. ماحدش في الدنيا دي بيتعلق بشيء إلا و فُراقه يشوف

كل اللي معاك في الصورة غاب.. وطنك والأهل والصحاب

كم واحد ودع وساب.. من غير أسباب شايف في عينيك نظرة حنين

بتحن لمين ولا مين.. طول عمرها ماشية السنين والناس ركاب

مع دقة عقرب الساعات.. بتموت جوانا ذكريات

عشمنا قلوبنا باللي فات.. ونسينا نعيش

كان مكتوب نمشي الطريق.. و نفارق كل مدى شيء

اتسرق العمر بالبطيء.. ورسي على مافيش

وداري داري.. يا قلبي مهما تداري

قصاد الناس.. حزننا مكشوف

وأهو عادي عادي.. ماحدش في الدنيا دي بيتعلق بشيء إلا و فُراقه يشوف

ويعد حمزة نمرة من الفنانيين المحببين للشباب، فبجانب الغناء يعمل مؤلف موسيقي، وعازف جيتار أيضا.

يميل للغناء الذي يقحم فيه الثقافة العربية، ويجسد العلاقات الاجتماعية والإنسانية من خلال أغانيه.

أصدر عدد من الألبومات الغنائية، منها «احلم معايا وإنسان، واسمعني».




0
0
0
0
0
0
0