بعد ارتفاع سعر تذكرة المترو، حاول بعض الشباب التحايل على النظام الجديد بتدشين تطبيقات إلكترونية على الهواتف الذكية أو مجموعات على موقع فيس بوك، لتساعد في توفير نسبة من السعر.

ما هي فكرة هذه التطبيقات والمجموعات؟، وما رد إدارة تشغيل المترو؟

محاولات تستغل ثغرة النظام

فكرة الشباب قائمة على الفرق بين الفئات الثلاث للتذاكر، فالتذكرة الأقل سعرًا بـ 3 جنيهات لرحلة 9 محطات، ثم 5 جنيهات لرحلة 16 محطة، و7 جنيهات لرحلة تزيد عن 16 محطة.

حتى الآن ظهر تطبيقان لاستغلال الثغرة في هذا النظام في متجر Googleplay وهما:

بدل تذكرة المترو مع غيرك
Screenshot Image
شعار تطبيق بدل تذكرة المترو مع غيرك

التحايل على الفروق بين التذاكر يشرحه إسلام مجدي صاحب تطبيق «بدل تذكرة المترو مع غيرك» في صفحة التطبيق:

«إحنا كا مصريين مش بنتعب، ولو عدينا بيبقى بمزاجنا، بس المرة دى مش هنعديها، دلوقتي لو بتستخدم المترو وجاى من حلوان ورايح المرج أو العكس، فحلنالك الموضوع، هتقطع من حلوان ولما توصل المرج بدل تذكرتك مع واحد قطع من المرج ورايح حلوان فيبقى كانك دخلت وخرجت مركبتش ولا محطة ولو هتبدل المحطات انزل فى محطات التبادل بدل تذكرتك مع واحد راجع فى الاتجاه اللى ركبت منه فيبقى انت وهو ركبتوا أقل محطات بأقل سعر».

بدل تذكرتي
Cover art
شعار تطبيق بدل تذكرتي

وبنفس الطريقة، يشرح صاحب فكرة تطبيق «بدل تذكرتي» تفاصيل الأمر على الصفحة:

«التطبيق التسجيل فيه برقم التليفون لأن هيكون في تقييم لكل مستخدم علي حسب جديته، بعد التسجيل هيظهر لك صفحة تكتب فيها اسم مستعار وتحط صوره مستعاره لزوم المحادثة.

بعد كدة هتفتح على صفحه تدخل فيها هتركب من انهي محطة، وآخر محطة هتنزل فيها، ونوع التذكره اللي حجزتها، البرنامج هيشوف لو انت محتاج تبدل مع حد معاه عدد تذاكر يفيدك ولا انت هتفيد حد.

حاليًا آلية عمل البرنامج اني لو أنا راكب من المرج الجديدة وعايز انزل الدمرداش ودافع 3 جنيه بس، كدا أنا محتاج اركب 12 محطة، لكن التذكرة هتديني 9 محطات بس.

فنتخيل لو في شخص تاني سجل في البرنامج واختار إنه هيركب من حلمية الزيتون وهينزل في حمامات القبة كدا الشخص ده يقدر يبدل التذكره مع الشخص الأولاني، لأن الشخص الأولاني تذكرته هتنزل محطة (حمامات القبة) وتذكرة الشخص الثاني تقدر تنزل

محطة (الشهداء) فبكدا التبادل يصلح. ساعتها هيظهر لك الشخص ده وتقدر تعمل محادثة معاه وتتفق معاه علي كيفيه التبادل.

في واحد يقلك انا هستفاد ايه؟ ممكن تاخد جنيه من الشخص اللي اديته تذكرتك.. وهوا كدا هيكون وفر جنيه بدل ميشتري تذكره ب 5 وانتا هتوفر جنيه واكنك اشتريت التذكره ب 2.

هنضيف بعدين تبديل تذاكر القطر برده بس نخلص من هنا الأول بإذن الله»

جروب بدل تذكرتك أون لاين
جروب بدل تذكرتك أون لاين واركب بـ3 جنيه

مجموعة «بدل تذكرتك أون لاين واركب بـ3 جنيه كل محطات الأنفاق» على موقع فيس بوك للتبادل الفوري والحديث المباشر، كما يشرح صاحبه في الوصف «انشئ هذا الجروب لتبديل تذكرتك اون لاين - يعنى لو انت داخل تركب من حلوان للمرج أو من أي محطة أخرى كلم راكب المحطة الثانية والباقى هاتعرفه فى الجروب».

المترو: 50 جنيه غرامة 

المتحدث باسم الهيئة العامة لمترو الأنفاق أحمد عبد الهادي قال لفضائية «إكسترا نيوز» إن هذه المحاولات لا فائدة لها، والشخص «المخترع» صاحب الفكرة لن ينجح.

أضاف «عبد الهادي» أن الماكينات الجديدة للتذاكر تسجل التاريخ والمكان على التذكرة وهكذا تفشل الفكرة، فلا وجود الآن للوسائل البدائية والبرميل الأزرق الذي يلقي فيه المواطن تذكرته، كما أن الأمن يقف أمام أي محاولة «تزويغ».

أما عن غرامة من يحاول الهرب، ففحددها المتحدث باسم المترو بـ50 جنيها وفقا للوائح والقوانين.




0
0
0
3
0
0
0