رئيس التحرير أحمد متولي
 رئيس جامعة المنوفية السابق يحكي ذكرياته مع حرب أكتوبر

رئيس جامعة المنوفية السابق يحكي ذكرياته مع حرب أكتوبر

قال رئيس جامعة المنوفية السابق، الدكتور معوض الخولي، إن حرب أكتوبر 1973، كانت بمثابة حدث فارق مع الشعب المصري، مؤكدًا الجميع أصيب بالإحباط بد النكسة لكن حرب 73 كانت رد اعتبار لمكانة مصر وإثبات لقوة جيشها.

وحكى رئيس الجامعة السابق عن ذكرياته مع حرب أكتوبر قائلا: «كنت لسه في الإعدادي، والدراسة لسه بادئة من أسبوعين مثلا، أول ما رجعنا المدرسة علطول بعد الحرب ما قامت طوابير المدرسة الصبح والخطب الحماسية».

وأضاف «الناس كانت بتقول الله أكبر في الشوارع  والجو حماسي، وكان المدرسين كل واحد يمسك الميكرفون الصبح مش عاوز يسيبه».

وذكر «كنا لما نشوف أي حد لابس عسكري في الشارع نضربله تعظيم سلام وفي البداية كان في تخوف وكله قعد قدام التلفزيون ولما الناس اتأكدت كان في زغاريد وفرحة كبيرة بشوارع مصر».

وتابع «في 67 حصل تهجير لكل طلاب مدن القناة وهما أكتر ناس حسوا ان بلادهم بترجعلهم بعد الحرب ناس رجعت وناس فضلت معانا الفترة دي كان فيها حالة من النشوة في كل الشوارع بلدنا كان فيها أكثر من 3 شهداء طيارين».

حسين السنوسي

حسين السنوسي

صحفي مصري متخصص في الشأن الطلابي، رئيس قسم الجامعة بموقع شبابيك، متابع لأخبار التعليم ومقيم بمحافظة الجيزة