اشتكت الطالبة بكلية الطب جامعة بنها، حنان السكري، من تنمر أحد أعضاء هيئة التدريس بها داخل لجنة الامتحان الشفوي.

وكتب الطالبة عبر صفحتها بموقع التواصل الاجتماعي «فيس بوك»، أنها تكره الكلية وتعلن عن ندمها لدخولها كلية الطب جامعة بنها.

وتساءلت: «ليه ادخل امتحان شفوي يتقالي انتي لابسه النقاب ليه؟، وليه يتقالى النقاب دا مش من الدين وأن الطرحه اللى الشعر طالع منها هو دا الدين».

وأضافت: «ليه يتقالي هتبقي دكتوره ازاي؟، ليه يتقالي أما أشوفك بقى فالحه ولا لا مع النقاب دا؟، ليه اسمع كلام مش لطيف والمفروض اجاوب ولا كأن حاجه حصلت؟».

وذكرت: «ليه بيتقالنا كلام ونتعامل تعامل كأننا بهايم؟، ليه يتحط عليا بزياده لمجرد النقاب اللى انا لابسه؟، ليه مضطره علشان درجات احط الجزمه ف بوقي علشان لو اتكلمت مش هاخد غير درجات زى الزفت ولا هاخد حق ولا باطل».

«ليه كل واحد له مكانه بيطلع عين أهل اللى تحته؟، ليه الدكاتره بتعمل فينا كده»، بهذا علقت الطالبة على التنمر بها داخل لجنة امتحان الشفوي.



0
0
0
0
0
0
0