حكى المصور الصحفي بموقع فيتو، سيد حسن، عن اعتداء مرتضى منصور وعدد من أفراد الأمن عليه داخل نادي الزمالك اليوم الجمعة خلال تصويره لتوزيرع مباراة نادي الزمالك ونهضة بركان لنهائي الكونفدرالية.

وكتب منشور على حسابه بموقع التواصل الاجتماعي، «فيس بوك»، «من شوية كنت بصور توزيع تذاكر مباراه الزمالك ونهضة بركان ف نادي الزمالك جالي مصور الفيديو بتاع مرتضى بيخرجني بره ويكلمني بطريقه وحشه قولتله انا مصور صحفي ومش هخرج قالي هات كارنيهك مردتش اديهوله وقولتله تشوفه وهو ف ايدي زقني ومشي وبعتلي بتاع الأمن».

وأضاف، «جالي فرد أمن يخرجني قولتله انا مصور صحفي قالي ممكن الكارنيه وكان بيتكلم بكل ذوق واحترام شاف الكارنيه وخدته ومشي خطوتين بس مصور الفيديو قاله هو دا رجع تاني بيزقني وبيقولي اخرج بره زقيته وقولتله مش خارج قالي تعالي نروح للمستشار».

وذكر «روحنا لمرتضي منصور  رئيس نادي الزمالك لسه بعرفه بنفسي وبوريله الكارنيه خطفه من ايدي وحطه ف جيبه وقالهم خرجوه بره وفضلوا يزقوني لحد ما ساعتي اتكسرت وخرجوني بره النادي».

ومن المقرر إقامة مباراة نادي الزمالك ونهضة بركان المغربي، في نهائي الكونفدرالية الأحد الموافق 26 مايو الجاري على ستاد برج العرب بالإسكندرية.



0
0
0
0
0
0
0