رئيس التحرير أحمد متولي
 شكاوى طلاب بالثانوية الأزهرية من امتحان الفقه والديناميكا: «أول مرة نشوف الأسئلة دي»

شكاوى طلاب بالثانوية الأزهرية من امتحان الفقه والديناميكا: «أول مرة نشوف الأسئلة دي»

اشتكى طلاب بالثانوية الأزهرية، من صعوبة امتحانات اليوم الأول للقسم العلمي التي انطلقت اليوم السبت، حيث أدى الطلاب امتحان مادتي الفقه والديناميكا.

ويرصد شبابيك في هذا التقرير ردود أفعال الطلاب عقب انتهاء الامتحانات.

أسئلة طويلة وامتحان مدمر

علقت أميرة ياسر بأن امتحان الديناميكا كان يحتاج إلى 4 ساعات للانتهاء من الحل، وليس ساعتين فقط، كما هو محدد في الجدول.

كما اعتبر مراد مراد أن الامتحان «قاتل ومدمر للطموحات، وتسائل صالح رجب باستغراب: «ديناميكا ايه اللي من الكتاب أنا أول مره أشوف الأسئلة دي في حياتي الحمد لله.»


 

واتفقت نورهان مع صالح، موضحة أن مسألة واحدة في الامتحان جاءت في الامتحان التجريبي، بينما باقي الأسئلة لم ترها من قبل، بحسب الطالبة.


وأضافت هاجر محمد: «حليت من أول الكتاب لحد آخر درس وكمان حليت ١٦ بوكليت والتجريبي بتاع عام وأزهر، تعبت جدا في الدنياميكا وفي الآخر أشوف حاجات أول مرة أشوفها. أنا خلاص جالي إحباط من كتر الزعل لأني تعبت وملقتش نتيجة تعبي.»

ورد عليها إسلام خالد: «محدش ينكر إنه بيبقى طويل لدرجة صعبة.. بس بيبقى سهل.»


بينما علق يوسف طاهر بأن امتحان الفقه «منقول من السنين اللي فاتت بالحرف ومجاش حاجة من التجريبي والديناميكا والميكانيكا نظام قديم.»

تأخير بسبب التفتيش

وحكى الطالب علي علاء أنه تم تفتيشه عند الساعة 9:15 ووصل اللجنة عند الساعة 9:30 قبل أن يخبره المراقب بأنه ليس له ورقة امتحان، وظل متوترا حتى مر من الوقت 40 دقيقة قبل أن يبدأ امتحانه، وسحب منه الورقة مع انتهاء الوقت دون أن يمدد له وقت التأخير.

وتابع الطالب أن الورق في الفترة الثانية تأخر 40 دقيقة أيضا: «نسوا إن فيه لجنة رقم ٤ أساسا وفات ٤٠ دقيقة ومفيش ورق امتحان وننده على ده وعلى ده يجدعان مش هنلحق نحل وبعدها بشويه يجيلك ورق الامتحان وطبعا كلكم شوفتوا الامتحان عامل ازاي، تخيلوا بقي أنه كان مطلوب مني احلوا في نص المدة.»

وأضاف: «كان أزبل امتحان اتعاملت معاه في حياتي مش عارف ابدأ منين ولا احل ايه مكنتش بلحق اقرأ رأس السؤال كويس وحليت بأسلوب زي الزفت في مادة كنت متعشم اني أجيب فيها حاجه حلوة لكن نقول ايه في الاستهتار والاستخفاف بطلبة المفروض انهم في سنة تحديد مصير لكن هما تعاملوا معانا على أساس اننا لسه في ٢ إعدادي ولا حاجه.»

وطالب: «عايز اشتكي واصعد الموضوع ده ومش عايز اسكت على اللي حصلي النهارده، انا دمعتي نزلت وانا في اللجنة من كتر منا مش عارف اعمل ايه ولا ايه.»


 

عبدالله عبدالوهاب

عبدالله عبدالوهاب

مراسل موقع شبابيك بالجامعات المصرية، يقيم في محافظة الفيوم