رئيس التحرير أحمد متولي
 4 عادات مفضلة لازم نعملها في الشتاء

4 عادات مفضلة لازم نعملها في الشتاء

فصل الشتاء مختلف عن باقي فصول السنة.. باعتبار إن محبيه كتير رغم برودة الجو.. وتقلبات الطقس.. وفيروس أنفلونزا المصاحب له.. وعشان فيه ناس كتير بينهم وبين الشتاء عشق.. في عادات لازم يعملوها عشان يحافظوا على صحتهم والاستمتاع بفصلهم المفضل..

الرياضة

ممارسة الرياضة أمر ضروري في الحياة.. لكن في فصل الشتاء بتبقى "فرض عين" عشان تجديد النشاط.. الأمر سهل جدا ممكن نمارسها عن طريق المشي لمدة 30 دقيقة يوميا.. الفوائد بتاعت رياضة المشي عظيمة بداية من هضم الطعام.. مرورا بتنشيط الدورة الدموية وهنا بقى أهم حاجة لأن الساقعة كتير بتتسبب في حالة كسل وخمول لناس كتير..  نهاية بالحفاظ على الجسم بشكل عام.

شرب الماء

لازم نشرب كميات من الماء لتفادي أزمة الجفاف اللي بتصيب ناس كتير في الشتاء.. وبالمناسبة الأطباء أكدوا أن تناول 8 أكواب من الماء على مدار اليوم يمنح الجسم فوائد كثيرة.

أعشاب الشتاء

شرب المشروبات السخنة زي النعناع و القرفة والجنزبيل والشاي الأخضر والليمون بيروق مزاجك.. كمان المشروبات ديه بتساعد على حرق الدهون غير إنها بتمنح الجسم نشاط وحيوية.

اعشاب الشتاء

الشوربة 

لازم نخلي "الشوربة" وجبة أساسية في الشتاء.. لأنها بتعطي طاقة وإحساس بالدفء في حالات الطقس شديد البرودة.. وأبرز أطباق الشوربة الشهير هي: العدس.. والطماطم..والكريمة.. والخضروات.. والمشروم.. والسي فود ومرقة الدجاج.

شوربة الشتاء

اقرأ أيضا:

هذه الأطعمة تحميك من نزلات البرد

أشهر مطاعم تقدم «دينامو الشتاء» في القاهرة

رغدة جلال الدين

رغدة جلال الدين

صحفية مصرية تكتب في المجال الفني، إلى جانب كونها ممثلة ومغنية بفرقة «بهججة»