رئيس التحرير أحمد متولي
 «قعدة البيت» تدفع ريهام سعيد للجوء إلى «الجيم» لتخسر 15 كيلو من وزنها

«قعدة البيت» تدفع ريهام سعيد للجوء إلى «الجيم» لتخسر 15 كيلو من وزنها

نشرت الإعلامية ريهام سعيد، فيديو عبر صفحتها الرسمية في موقع «فيس بوك»، تدعو فيه لمشاركتها في عمل نظام غذائي «دايت».

وكتبت ريهام تعليقًا على الفيديو: «قعدت البيت فرقت في حياتي كتير بس كمان خليت وزني زاد عشان كده قررت أعمل رجيم أنزل 15 كيلو في 20 يوم».

وقالت: «لو مستعدين نبدأ مع بعض الرجيم سوى شوفوا الفيديو وبلا بينا نبدأ سوى الرجيم».

وذكرت ريهام سعيد في الفيديو: «أنا دلوقتي ست مصرية عادية جدًا قاعدة في البيت، واكتشفت إن قاعدة في البيت دي لها مميزات رهيبة، ابتديت أبقى ست طبيعية وعندي وقت أعمل حاجات كتير أوي أقعد مع ولادي وأكلم صحابي وأرد على التليفون وأهتم بصحتى اللي كانت اتدهورت».

وأوضحت: «راحة البال دي أهم حاجة في الدنيا مش شايل هم حاجة ولا هم حد، الحاجة اللي مش حلوة الأكل، باتسلى في الأكل والعشا قدام التليفزيون وطبعًا أنتم عارفين إن الجيم بكرة وبكرة ده مبيجيش أبدًا، لو في حد هيعمل معايا ريجيم يبدأ معايا من بكرة».

يشار إلى أن المجلس الأعلى لتنظيم الإعلام، قرر منع ريهام سعيد من الظهور على جميع وسائل الإعلام المرئية والمسموعة لمدة عام، بعد تعليقاتها «المسيئة» حول بدانة النساء في مصر.

وتسبب ريهام سعيد، في غضب كبير بتصريحات مثيرة للجدل بعد أن وصفت النساء ذات الوزن الزائد بأنهن «عبء على الدولة وعائلاتهن»، ما دفع شبكة تليفزيون الحياة إلى وقف برنامج «صبايا الخير»، في 23 أغسطس الماضي.

حسين السنوسي

حسين السنوسي

صحفي مصري متخصص في الشأن الطلابي، رئيس قسم الجامعة بموقع شبابيك، متابع لأخبار التعليم ومقيم بمحافظة الجيزة