للبنات.. أفكار «مجنونة» للحماية من التحرش

نسبة التحرش الجنسي في مصر بتتجاوز الـ95 % بحسب كتير من الاحصائيات، يعني نقدر نقول معظم البنات في مصر بتتعرض للتحرش.. طيب إزاي البنت تحمي نفسها من التحرش؟

لأن المتحرشين مبقوش يخافوا وبيكتروا لأسباب كتير أهمها إن مفيش بنت بتفكر تروح لقسم الشرطة تبلغ ولو راحت بنسبة كبيرة بتطلع من غير نتيجة ده لو مطلعتش متهمة.. فكرنا نقدم أفكارة بره الصندوق.. أفكارة «مجنونة» شوية للبنات للحماية من التحرش.

مية نار 

جيبي ازازة مية معدنية وشيلي الورقة الملزوقة عليها و هاتي ورقة واكتبي عليها مية نار "ماء نار" بخط كبير والزقيها على ازازة المية بحيث ترميها عليه يتلهي فيها وانتي تطلعي تجري.

كلب

خدي معاكي كلب من اللي حجمهم بيخوف ده :D وعلميه انك أول لما تقوليله catch يهجم على المتحرش على طول.

شبشب

اشتري شبشب وغرقي ضهر فردة منه مسامير وخلي سنها لبرا وحطي الفردة معاكي في الشنطة وأول مايقرب منك طلعيها على طول واضربيه بيها.

جرب 

لو حسيتي إن حد ماشي وراكي وبيحاول يتحرش بيكي، أول ما يقرب منك  قوليلوا «انا عندي جرب» واقعدي اهرشي وامشي بس سرعي مشيتك.

تعبان

لو قلبك جامد هاتي تعبان حقيقي غير سام.. أو لعبة بس يكون غالي شوية عشان يكون شبه الحقيقي وخليه معاكي في شنطتك وارميه عليه.