رئيس التحرير أحمد متولي
 لتجنب الإحراج في المحاضرة.. متعملش كده

لتجنب الإحراج في المحاضرة.. متعملش كده

الإحراج لو بينا وبين الشخص اللي بيحرجنا غالبًا مش هيكون فيه مشكلة، لكن لو قدام أكتر من ألف طالب هيكون الوضع مختلف، الإحراج هيزيد وممكن يسببلك ضيقة وخنقة من الدكتور والمادة كلها.. لو مش عايز تحرج نفسك في المحاضرة متعملش كده:

  • الأكل: عارفين إن نص وقت البريك بين المحاضرات بنقضيه واقفين في طابور الكافيتريا مستنين الأكل يجهز، لكن لو دخلنا المحاضرة قدام الدكتور والأكل في أيدينا مش  هيقول غير "بره ده مش مكام للأكل".
  • التأخير: ميعاد المحاضرة بالنسبة للدكتور مقدس وطبعًا أي مخالفة ليه بيعتبرها دليل على عدم الإحترام، وممكن بس يحرجنا عشان يحافظ على طريقة عمله وقاعدة "محدش يدخل ورايا المحاضرة".
  • الكلامممكن تفضل مع صاحبك طول اليوم متتكلموش لكن دايمًا وقت المحاضرة بتفتكر كل حاجة عايز تقولها، وأول ما تتكلم يسيب الدكتور الدوشة اللي في المدرج كله ويمسكك أنت ويقولك بتتكلم ليه؟، أطلع بره.
  • الانتباه: طالب الجامعة زيه زي أي شخص، عنده مشاكله الشخصية اللي تشغل تفكيره أو ممكن تكون أنت شخص مش بتفهم من الدكتور ومش بتركز معاه، وفي لحظة شرودك أو انشغالك، الدكتور يشاور عليك ويسألك كنت بتكلم في إيه دلوقتي؟.
  • سؤال في المنهج: أغلبنا بيبدأ يقرأ المادة ويذاكرها قبل الأمتحان بكام يوم، وطبعًا ده بيخلينا مغيبين عن اسم المادة نفسه لحد امتحان الميد ترم، ويجي الدكتور في المحاضرة يسألك سؤال في المادة، ويبدأ صوت سكون الليل ويليه تهزيق وإحراج.
 

ضي جمال

ضي جمال

صحفية متخصصة في ملف المرأة والأدب والثقافة