رئيس التحرير أحمد متولي
 رحلة فى أطباق العالم.. المطبخ المغربي

رحلة فى أطباق العالم.. المطبخ المغربي

السفر جزء كبير من فضول لحاجة جديدة. السفر ساعات بيبقى مش محتاج طيارة ولا فيزا ممكن يبقى كتاب وممكن يبقى أكلة جديدة! وزى ما البنى أدميين بيسافروا وصفات الاكل كمان بتسافر وبتتغير حسب كل ثقافة بتسافر لها.

«شبابيك» هتعرفك من خلال سلسلة (رحلة في أطباق العالم) أكتر على الأكلات الشعبية إللى لفت العالم ووصفاتها.

الأكلات الشعبية أكتر وصفات بتسافر وبيتغير شكلها. زى كده ما الطعمية سافرت و رجعت لنا فلافل رولز. ولأن المطبخ المغربى بيحتل المرتبة التانية فى قائمة المطابخ العالمية إخترنا أكتر أكلة شعبية فيه سافرت العالم الكسكسى.

هو إيه الكسكسي؟

الكسكسى فى الأصل وصفة مغربية انتشرت في العالم مع زيارات ثقافات كتير للمغرب منها كان إستعمارى ومنها كان مجرد تبادل ثقافى. المهم إن وصفة الكسكسى بقى فى منها المصرى والإنجليزى والمكسيكى. بس أبرز وصفتين هم الكسكسى المغربى "الاصلية" والمصرى" الوصفة الحلوة".

وصفة الكسكسى الاصلية مش محتاجة أكتر من دقيق سميد وميه وزيت وحلة بخار. والاختلاف بيبقى فى إضفات ما بعد الطهى. [embed]https://www.youtube.com/watch?v=DQsuJsoDZ8o[/embed]

الوصفة والمقادير

الوصفة بالمقادير حسب ما عملتها الشيف منال العالم إضغط هنا

أما الوصفة المصرية  : [embed]https://youtu.be/1i5voKQSWEk[/embed]

لو هنتخيل الغدا النهارده مغربى يبقى الكسكسى لازم يتقدم مع حريرة سخنة والحريرة نوع من الشربة شبه أطباق الخضار بالصلصة عندنا "اليخنى" للوصفة إضغط هنا. و غالبا أهل المغرب بيحبسوا بشاى أخضر بالنعناع.

آمنة زايد

آمنة زايد

صحفية ومترجمة مصرية مهتمة بالكتابة في موضوعات السفر والطعام والتعليم بالخارج