أفضل التطبيقات لهاتفك «الأندرويد»

كتب: أميرة خالد

بص يا سيدي.. دلوقتي أغلب الناس ربنا كرمها وبقى معاها تليفونات حديثة وأجهزة «تابلت»، معظمنا معاه جهاز شغال بنظام «الأندرويد»، عشان كده «شبابيك» بيعرضلك أفضل التطبيقات اللي ممكن تنزلها على الأجهزة الأندرويد بتاعتك..

7 MINTUTES WORK OUT  لو مهتم بالرشاقة والصحة، فتطبيق مختلف مش هيسألك عن طولك أو وزنك أو عمرك.. كل اللي هيوفره مجموعة تمرينات لحرق الدهون بالجسم.  

Mobile Security & Antivirus علشان تحمي موبايلك من أي فيروس، ومش بس كده، كمان ممكن يحمي موبايلك من السرقة، من خلال تتبع الموقع وبيانات المسح عن بعد، يعني اطمن حتى لو تليفونك اتسرق.

بيقولك مناسب جدًا لو لسه بتتزنق في الزحمة، التطبيق ده هيقولك نشرة مرورية على مدار الساعة؛ علشان تختار أحسن الطرق وتبعد عن الزحمة.

Kids Place وده بقى برنامج تعليمي للأطفال لو عندك أولاد. بيوفر لطفلك الكتب والألعاب التعليمية المختلفة، ومش بيفتحلك الألعاب دي غير برقم سري، علشان الأطفال ميفضلوش طول الوقت على الجهاز، وبيمنع أنهم يبعتوا رسايل لحد أو يتصلوا بحد، يعني اطمن على جهازك وهو مع طفلك.

Lumosity برنامج تدريبي للذاكرة والانتباه.

Google drive تقدر تخزن عليه الملفات وتحتفظ بنسخة احتياطية من الصور في Drive على طول، وممكن تزود مساحة التخزين بتاعتك بس بفلوس.

truecaller يقدر يعرفك كل اللي بيتصلوا بيك.

yahoo  weather   هيعرفك كل مكان في العالم درجة حرارته كام.

Accomplish هيساعدك تنظم وقتك يوميًا، ويفكرك بأهم المواعيد، غير أنه بيقدم نصايح تساعد في إعداد جدول ومفكرة.

microsoft translator ده بقى لو حابب تتكلم من غير ما تكتب وهو يترجم، كمان ممكن تبعت صورة لكلام وهو يترجمه، الترجمة الصح مش الحرفي.

Trusper Tips بيشوف أنت مهتم بإيه ويبعتلك نصايح وفيديوهات عن الموضوع ده، يعني مثلًا لو مهتمة بالموضة والتجميل، هيبعتلك فيديوهات لأحدث المنتجات. ولو أنت مهتم بالسفر، هيعرضلك أفضل الأمكان. وفي كمان إمكانية إنك تعمل «شات» مع نفس الناس اللي عندهم الاهتمامات لتبادل الخبرات.

drupe contacts and dialer

ده بقى هيعرفلك كل قايمة الأسماء اللي عندك، هيحددلك ممكن تتواصل معاهم إزاي عن طريق أي برامج محادثات.