ارسم بورترية لشريك حياتك بـ50 جنيها.. هدية «الفلانتين»
بنشوف في الأفلام أن الولد بيقعد يرسم حبيبته قبل ما يعترف لها بحبه. لكن في آخر الفيلم لما البنت بتعرف بتتوهم بالحركة دي. لأن مفيش حد بيفرح بحاجة أكتر من الشيء المميز اللي بيتعمل مخصوص ليه.
ومن هنا «شبابيك» بتقدم لك فكرة غير تقليدية لهدايا «الفلانتين»، وهي تقديم بورترية لشريك حياتك. ولو مش بتعرف ترسم متقلقش، في الموضوع ده هنقترح عليك بعض رسامي البورترية اللي ممكن تبعت لهم صورة شريك حياتك، ويطلعولك نسخة طبق الأصل منها، ويوصلوها كمان لحد بيتك، وبأسعار تبدأ من 50 جنيه فقط.
عمو مانو
فريق «عمو مانو» هيعملك خصم لمدة عشر أيام فقط. يمكنك رسم صورة شريك حياتك بألوان باستيل أو فحم بأسعار تبدأ من 50 جنيه بدل 100 للحجم الصغير.
وبالنسبة للصور الأكبر في الحجم، فهي هتنزل من 200 جنيه لـ100 جنيه جودة عالية. و200 جنيه بدل من 300 جنيها جودة ممتازة. و400 جنيها للوحات الزيتية بدلا من 700 جنيه.
اقرأ أيضا⇐«لغات الحب الخمسة.. أنت مين في دول؟»
والعرض ساري حتى يوم 20 فبراير. وفيه إمكانية لعمل طلب مستعجل يوصل قبل الفلانتين. وللحجز اتصل على «01282252808». وللتواصل عبر صفحة الفريق على «فيس بوك» اضغط هنا.
«الوكالة»
لو عايز تفاجيء شريك حياتك بجو مختلف تماما، ارسم له بورترية باستايل فرعوني على ورق البردي. ودي الخدمة اللي هيقدمهالك جاليري «الوكالة» في خان الخليلي.
اقرأ أيضا⇐خروجات مطرقعة.. هتخلي الفلانتين «جنان»
«الوكالة» جاليري مش متخصص في البورترية، لكن لما «شبابيك» سألته، أكد أن فيه إمكانية لعمل طلبات بورتية مخصوص على ورق البردي، وبأحجام مختلفة.
أسعار البورترية البردي بتبدأ من 100 جنيه ويتصل لـ200 جنيه على حسب الحجم. أما مكان الجاليري، فهو في «76» شارع جوهر القائد بالحسين.
«بيري» فوتوجرافي
«بيري فوتوجرافي» متخصص في تنظيم وتصوير الفوتوغرافي للأفراح وأعياد الميلاد، والميكب. وبيقدم خدمة رسم البورترية بالألوان بوجودة عالية.
سعر البورتية مقاس 70 × 50 بيكون 200 جنيه. والتوصيل في خلال يومين. وللتواصل مع الصفحة وتقديم الطلبات اضغط هنا.
اخترنا لك:
