مش عارف هتجيب أيه في الفلانتين؟ طب دايمًا لما تفكر تلاقي كل اللي موجود تقليدي وأنت عاوز تقدم حاجة جديدة أو حتى قديمة بس بشكل مختلف؟

متقلقش الموضوع مبقاش صعب زي الأول بس أهم حاجة إنك وأنت بتفكر تكون دارس ميزانيتك كويس وعارف أيه اللي محتاجه الطرف التاني علشان الهدية يكون ليها معنى.

وعلشان كده «شبابيك» قررت أنها تساعدك في اختيار هدية غير تقليدية من خلال اقتراح بعض الأفكار.

كاندي بوكية:

عبارة عن شكولاتات وبلونة مكتوب عليها عبارات حب، يتم تجميعها في شكل بوكية ورد موضوعه داخل أحدث أنواع علب الهدايا.

وأسعارها تبدأ من 80 جنيهًا للفخار و50 جنيهًا للعلبة الخشب وصولًا لـ200 جنيه لتعطي في النهاية شكل جميل كما في الصورة، ويمكنك تقليل حجم البوكية كما تريد وهو بالطبع ما سيقلل سعره.

كاندي بوكيه

حامل اكسسوارات:

معروف إن أغلب البنات بتواجه مشاكل كتير مع المكان اللي بتحط فيه إكسسواراتها، بس المشكلة دي هتكون بسيطة لو جبتلها الحامل ده. وأسعاره تبدأ من 98 جنيها وتزيد على حسب الحجم.

حامل اكسسوارات

بلورة «مسحورة»:

الهدية دي ممكن تكون بسيطة جدًا في شكلها وكمان في سعرها، بس في الحقيقة بيكون ليها لمسة جمالية مهمة في حياة البنت وخصوصا من خلال الموسيقى اللي بتحسسها إنها رجعت طفلة تاني. أسعارها بتبدأ من 24 جنيهًا.

Love board

أو ما تُعرف بـ«سبورة الحب»، على السبورة دي تقدر إنك تنفذ كل الافكار المجنونة من كتابة رسايل ليها أو جمع صوركو اللي بتفكركوا بأسعد لحظات حياتكو، كمان ممكن لو الطرف التاني بيعشق الشكولاته تستعين بيها في السبورة. أسعارها تبدأ من 200 جنيه ويمكن تخفض السعر بحسب الأشياء التي سيتم وضعها.

سبورة

جوليا بوكس

له العديد من المزايا سواء استخدمته لوضع الإكسسوارات أو حتى أدوات المكياج الخاصة بها، يتميز بأشكاله العديدة وصغر حجمه وألوانه المختلفة. وأسعاره تبدأ من 149 جنيهًا.



1
3
0
8
-4
0
2