للراغبين في التمثيل.. هذه الأماكن تؤهلك
كتير من الناس الموهوبة في التمثيل، بتحاول تدورعلى أماكن تتعلم فيها بس مش بتلاقي فبيصيبها الإحباط لأن بتشوف حلمها في إنها تمثل بيضيع قدامها، وعشان كدة إحنا حبينا نجيب ليكوا بعض الأماكن اللي بتعلم التمثيل .
مركز الإبداع الفني
المسئول عنه خالد جلال، اللي خرج من تحت إيده ممثلين وممثلات معروفين في الوسط الفني زي محمد فراج وهشام إسماعيل الشهير بـ"فزاع".. المركز موجود جوا دار الأوبرا المصرية.
مسرح أوبرا ملك
المسرح تابع للبيت الفني للمسرح وبيهتم بالموهوبين وبيعملهم ورش في أنشطة مختلفة بما فيها التمثيل وعنوانه شارع خليج الخور برمسيس الموازي لشارع عماد الدين .
استوديو عماد الدين
دايماً بيعمل ورش تمثيل و هو موجود في 18ش عماد الدين، وسط البلد، القاهرة، مصر.
ورشة أحمد كمال
أحمد كمال مثل في أكتر من عمل و أشهر أعماله مسلسل ذات كان عامل دور سعد والد ذات وكمان مسلسل حارة اليهود كان طالع بدور والد منة شلبي، حالياً بيعمل ورشة تمثيل في استوديو ذات في 22 شارع الخليفة المأمون بمصر الجديدة .
معهد الفنون المسرحية
أما لو حابين بعد لما تخلصوا مدرسة تدرسوا التمثيل فقدامكوا المعهد وده موجود في شارع خاتم المرسلين متفرع من شارع جمال الدين الأفغاني، محطة المساحة الهرم، الجيزة.
