لو نفسك تعيشي أيام الكلاسيكيات الجميلة الفرصة جاتلك لحد عندك :) وتقدري دلوقت تعيشيها وتدخلي في جمال حالتها مع اكسسوارت «أورفليس » في إيفينت يوم السبت 12 مارس من الساعة 2 لي 8 مساءً في 41 شارع طلعت حرب أمام كوفي شوف الأمريكين. و«أورفليس» هى صفحة على الفيس بوك صاحبتها هى إيمان عاطف.
اسم «أورفليس» جاي من إن إيمان اتشدت ليه أول ما شافته مكتوب في كتاب «النبي» لجبران خليل جبران، وكان مذكور كاسم مدينة، وكمان فيروز ذكرته في قصيدة «المحبة» فسمت بيه صفحتها. و«إيمان» بشكل دايم بتنزل اكسسوارت مميزة على صفحتها وده خلى ناس كتير تستنى أي إيفينت تعملوا تعرض فيه حاجتها.
وصفة سهلة للمكان
المكان في وسط البلد للناس، واللى جاية من الخط الأول للمترو تنزل محطة جمال عبد الناصر، وللخط التاني والتالت تنزل العتبة وتخرج من مخرج ميدان الأوبرا وتطلع على شارع 26 يوليو وتسأل على شارع طلعت حرب وبعدين أول عمارة على اليمين جنب «درينكيز» على طول، الدور التاني، جاليري «ملاذ». والناس اللى جاية مواصلات بقى تنزل الإسعاف وتسأل على طلعت حرب بردو.
