رئيس التحرير أحمد متولي
 المواقع دي هتفيدك لو حابب تتعلم «ألماني»

المواقع دي هتفيدك لو حابب تتعلم «ألماني»

ناس كتير لحد دلوقتي لسه بتتعامل مع الإنجليزي على أساس إنه أهم لغة لازم يتعلموها علشان مستقبلهم التعليمي والمهني، بس الواقع بيقول إن الإنجليزي مش هو بس مفتاح مستقبلك.

كل الحكاية إنك محتاج تدور على باقي المفاتيح علشان تعرف هتمشي إزاي في طريقك، وعلشان نساعدك «شبابيك» بيقدملك لغة هتلاقيها في المنح، والأبحاث، ومواقع الإنترنت، وكمان الدراسة اللي بتتصدر فيها «ألمانيا» برامج تبادل الطلاب.

أولًا: المواقع

  • Introduction

دى مقدمة للغة الألمانية من شبكة «بي بي سي»، هتلاقي فيها مقاطع فيديو عن إزاي تقدم نفسك بالألماني، الكلمات اللي هتحتاجها لما تتكلم عن عيلتك، أو لما تكون في شغلك، بردوا أيه اللي هتحتاجه من كلمات وأنت بتتسوق.

مقدمة

  • babbel

لما تدخل الموقع ده هتلاقي اختيارين، إما إنك مبتديء في اللغة أو إنك في مستوى أعلى وبناءً على اختيارك إنت هيتوجهلك شوية أسئلة هتحدد مستواك علشان تبدأ رحلتك. اقرأ أيضًا⇐لغات قد تغنيك عن تعلم الإنجليزية

2

  • Busuu

الموقع ده بيخليك تتعلم أي لغة أنت عاوزها بطريقة سهلة جدًا وكإنك مسجل في معهد، لما تبدأ الموقع هيحطلك خطة دراسية هتمشي عليها.

وكل درس بينتهي بتدريبات علشان يتأكد من استفادتك، كمان هتلاقي عليه طلاب كتير تقدر تشاركهم في التعليم وتصحيح الأخطاء، ده غير خدمة تبادل اللغة مع شخص ألماني يعني أنت تعلمه بالعربي وهو بالألماني.

3

  • Livemocha

هنا هتقدر تصحح النطق لما تسجل صوتك في اختبار النطق، وبعدها هيجيلك ردود تقيم لطريقتك في النطق، بيساعد الموقع كمان في تصحيح الكتابة والدردشة والمماسة بشرط إنها تكون كل يوم.

وبالشكل ده تخيل إنك كل يوم بتتكلم باللغة دي وبتسأل بيها وبتمارس بيها حياتك مع أصحابك على المسنجر، في النهاية هتبقى عادة عندك مش هتبعد عنها. اقرأ أيضًا⇐المواقع دي هتفيدك لو حابب تتعلم 4 لغات مختلفة

4

  • Germanpod

هنا هتلاقي أكتر من 940 فيديو وتسجيل صوتي لاستخدامات بالألماني، مجموعة كلمات، منتديات علشان تناقش فيها الدروس.

5

  • Deutsch lernen

الكورسات دي من «دويتشيه فيله» وبتقدملك نظام ‫متدرج فى التعلم على شكل مستويات وبتمشي معاك واحدة واحدة لحد ما توصل للمستوى اللي يأهلك بشكل صح وده من خلال التدعيم بمقالات متنوعة.

أما ده فبيوفرلك مقاطع للاستماع وفيديوهات للرؤية بقى وكده مع وجود مستويات وامتحان تحديد مستوى، للدخول اضغط هنا.

6

  • German grammar

القاموس ده للصوتيات هيفيدك في الجرامر وهيساعدك كمان في تظبيط النطق ومخارج الحروف عندك من خلال دردشة صوتية وبالفيديو.

7

ثانيًا: القواميس

- BEOLINGUS

القاموس ده هتقدر معاه تترجم من ألماني لإنجليزي، وأسباني، وبرتغالي، ودا بالنسبة للترجمة من إنجليزي لألماني أو العكس، ده بيترجم الكلمة ويعرفها ويدي معاني مختلفة ليها وأمثلة.

هتلاقي فيه كمان ترجمة من ألماني لأسباني، والعكس وكمان من ألماني لبرتغالي وبعد ما بيترجم بيديك أمثلة.

9

- bab.la

أما قاموس ده فإمكانياته أكبر لإن بيسمحلك بالترجمة من ألماني «للإنجليزي، صيني، أسباني، إيطالي، برتغالي، تركي، روسي... ».

10

ثالثًا: قنوات 

  • ديوتش هابين

القناة دي هتعلمك الألماني على الإنترنت من خلال بعض الفيديوهات اللي بتتكلم عن قواعد اللغة، المعاملات، أهم الموضوعات الحياتية، للمشاهدة: اضغط هنا

  • ألمانيا 101

أما ألمانيا 101، فستساعدك في خطوة الدراسة بشكل أسرع من خلال فيديوهات بسيطة وسهلة، للمشاهدة: اضغط هنا

  • حسن إسماعيل

أما دي فتعليمها باللغة العربية يعني هتساعدك كتير ومش هيكون ليك أي حاجه لغن الصعوبة هتكون أقل بكتير مقارنة بغيرها، للمشاهدة: اضغط هنا

سوزان حسني

سوزان حسني

صحفية مهتمة بالكتابة في مجال العلاقات