أفلام بطلها «طفل».. «بحب السيما» واحد منهم
إن نجم يكون بطل فيلم ده طبيعي لكن إن طفل يبقى بطل فيلم ده شيء غريب وغرابته مش في كونه إزاي طفل يشيل فيلم ملقوش غيره يعني ده هيوقع الفيلم؟ لأ الغرابة هنا في إبداع تجسيده للشخصية اللي بيأديها وإقناعنا بيها إقناع تام.
وعشان كدة فكرنا في الموضوع ده إننا نرصد ليكوا الأفلام اللي بطلها طفل والرصد ده مش مجرد رصد وخلاص لأ ده رصد غرضه إن لو ابنك أو بنتك في المستقبل لقيت عنده موهبة التمثيل إهتم بيه عشان ممكن في يوم من الأيام يبقى بطل فيلم :)
The sixth sense
طفل بيشوف ناس ميتة في كل مكان بيروحوا حتى في بيته اللي مليان بيهم والناس دول بيظهروا ليه لأنهم عايزينوا يساعدهم ومش قدام الطفل غير إنه يساعدهم على الرغم من رعبه منهم إلا إنه قرر إنه يساعد واحد واحد منهم.
شوف من هنا عايزين يساعدوه في إيه.
بحب السيما
نفسوا يروح السيما ديه رغبة الطفل «نعيم» الوحيدة في فيلم بحب السيما بس الرغبة ديه مش سهل أبدًا إنها تتحقق في وجود تزمت والده عدلي الموظف القبطي اللي بيعتبر السينما حرام.
فهل «نعيم» هيقنع والده إنه يدخل السينما ولا لأ ؟ إتفرج من هنا.
The Boy in the striped pajamas
الفيلم ده بيرصد فترة هتلر وحرقه للهولوكست بطريقة مؤثرة جدًا من خلال طفل والده قائد كبير عارف اللي بيحصل لحرق اليهود ويشاء القدر إنه يعاقب الأب على معرفته وسكوته و إن إبنه يوصل لداخل الهولوكوست ويخوض تجربة لا كانت على البال ولا على الخاطر.
ياترى ليه هيروح وإيه قصة الطفل ده إعرفها من هنا.
Baby’s Day Out
بيبي صغير عصابة خطفتوا بس على مين دوخهم السبع دوخات ولففهم الدنيا وفي الأخر شوفوا اللي حصل من هنا.
لا مؤاخذة
طفل من أسرة مسيحية والدته بتنقله لمدرسة حكومية بعد لما كان في مدرسة خاصة وده بسبب الديون اللي تراكمت عليها بعد موت زوجها. والطفل ده قرر إنه يقول إنه مسلم في المدرسة عشان خايف إن حد يضطهده لما يعرف إنه مسيحي تفتكره هيصمد للأخر ولا إيه اللي هيحصل شوفوا من هنا.
The omen
أب بيكتشف إن إبنه بيسكنه شيطان والإبن ده أول ما بيبدأ يطلع شيطانه بيطلعه على أهل البيت. تفتكروا بقى الأب هيعمل إيه؟ شوفوا من هنا .
August Rush
طفل موهوب موسيقيًا والموهبة ديه ورثها عن والده ووالدته اللي مشفهومش من أول ما إتولد لأن الأم عملت حادثة بعد لما ولدته والأب قرر إنه يدخله في دار أيتام. والطفل عاش حياته والناس إكتشفوا إنه عازف أوركسترا عظيم والعزف ده هو اللي خلى مامته اللي قعدت تدور عليه بعد الحادثة تلاقيه إعرفوا إزاي من هنا.
Home alone
أهله نسيوه يوم الكريسماس فرضي بالأمر الواقع وقضى عيد الميلاد لوحده بس فيه عصابة كانت مرقباه ومقررة إنها هتحتفل معاه اليوم ده :) طبعًا الفيلم ده من الأفلام المرتبطة معانا بليلة رأس السنة واللي بنستناها مخصوص عشان نشوفوا من كتر براعة تمثيل الطفل فيه ومواقفه الكوميدية مع العصابة. شوفوه من هنا.
