في ذكرى وفاته.. جمل لـ«الفتى الأسمر» لا تنسى
«ميهمنيش أموت دلوقت ميهمنيش أموت بعد 100 سنة أنا يهمني لما أموت أفضل محافظ على مكانتي» الجملة ديه قالها أحمد زكي في أخر فيلم ليه «العندليب»، وبما إن النهارده ذكرى وفاة «الفتى الأسمر» هنرصد ليكم من في التقرير ده من أفلامه أبرز مقولاته المحفورة في وجدان كتير مننا.
كلمة بحبك عقد
كلمة «بحبك» بقت سهلة على لسان ولاد كتير وبقوا يقولوها للبنات ويلعبوا بعواطفهم ولما تيجي تصارحه بحبه ليها يهرب وأحمد زكي في فيلم «إضحك الصورة تطلع حلوة» عبر عن قيمة الكلمة ديه وقال «أنا بحبك عقد.. اللمسة عقد.. النظرة عقد.. الوعد بالجواز ده أكبر عقد».
أوقات كتير بنعاني من حالة تخبط جوانا بنكون حاسين وقتها بقبضة وخنقة ومش عارفين مالنا ما إحنا كنا كويسين وزي ما يكون زكي كان عايش جوانا وحاسس بينا وقال في حوار عبقري من فيلم «أرض الخوف»:
أنا لما إبتديت المهمة كنت قادر أشوف كل حاجة بوضوح كنت متأكد من اللي أنا بعمله بعد كدة إبتديت أحس إن أنا بشوف الصورة من ورا لوح إزاز وبالتدريج إبتدت تتكون طبقة كدة زي التراب.
والمشكلة إن التراب إبتدى يزيد لدرجة إن أنا مبقتش شايف أى حاجة صورة ضبابية الذكريات إختلطت مع الأحلام مع الأوهام مع الحقايق.الفترة الأخيرة بقيت أحلم بكوابيس وأصحى خايف مش عارف ليه بقيت بحس إني محكوم عليا بالوحدة متعلق في الهوا لا قادر أمسك حاجة بإيديا ولا فى أرض تحتيا.
وبقيت أسال نفسى سؤال أنا ليه بقيت كدة؟ الفساد
بنعيش في زمن الجاني فيه قاعد في السخنة والمجني عليه مضروب بالجزمة ورا القضبان وبنصرخ من جوانا طالبين العدالة وده اللي عبر عنه أحمد زكي في مرافعته في فيلم «ضد الحكومة» اللي كلنا إتمنينا إنها تكون مرافعة حقيقية على أرض الواقع كلنا نشارك في دعمها.
«كلنا فاسدون لا أستثني أحدًا حتى بالصمت العاجز الموافق قليل الحيلة سيدي الرئيس كل ما أطالب به أن نصلي جميعًا صلاة واحدة لإله واحد إله العدل الواحد الأحد القهار لست صاحب مصلحة خاصة، وليس لدي سابق معرفة بشخوص الذين أطلب مساءلتهم.
