رئيس التحرير أحمد متولي
 ازاي تعترفي للولد بحبك؟

ازاي تعترفي للولد بحبك؟

 انسي العنوان ده خالص انا كنت حبة أشدك بيه :)  عشان عايزة أتكلم معاكي في موضوع مهم جداً طبعاً انتي أول ما شوفتي العنوان قولتي في عقل بالك أيوا أنا عايزة أعرف ازاي انا خلاص مش قادرة أكتم جوايا احساس حبي ليه وياما بينتله اعجابي بس هو ولا هنا وخايفة يروح لحد تاني يا لهوي أنا ساعتها بجد هموت، مفيش حل قدامي غير اني أروحله  وأقوله أنا بحبك أيوا فيها ايه يعني .

هقولك بقى فيها ايه، احنا كمجتمع شرقي اتعودنا ان الراجل هو اللي بيقول كلمة بحبك للبنت، لأن الراجل لما يقولك الكلمة  ديه معناها انه هيعمل أي شيء في الدنيا عشان تكوني مراته وهيحافظ عليكي لأخر يوم في عمره،  وديه معنى كلمة بحبك الحقيقية مش الهطل اللي بتشوفيه حواليكي من ولاد بيقولوا بحبك للبنت  وبعد كدة يخلعوا،  دول أصلاً مش فاهمين ومش واصلين لمعنى كلمة بحبك فبتلاقيهم بيقولوها  زي أي كلمة عادية.

تخيلي انتي لما تقولي ليه أنا بحبك  وهو يقولك وأنا كمان ويطلع من الناس الهطلة اللي كلمتك عليهم فوق هتعملي ايه ولا لو قولتيله أنا بحبك راح قالك بس للأسف أنا مش بحبك هيكون رد فعلك ايه.

أكيد في الحالتين هتنهاري وهتكتئبي وممكن توصلي انك تنتحري، طب ليه يحصل كل ده واحنا قدامنا فرصة ان اللي يحبك بجد  يجي يصارحك بحبه ويقولك أنا بحبك لأن احساسك لما تسمعي الكلمة ديه هيكون احساس عظيم وافتكري دايماً جملة أحمد زكي في فيلم اضحك الصورة تطلع حلوة لما قال" ان كلمة بحبك عقد" وعقد الجواز بيكون ما بين طرفين هو و انتي مش انتي وهو.

في الوقت ده لو حسيتي إنه بيتكلم بجد وبيخلص في حبه ليكي، فكري وقرري بهدوووء.

رغدة جلال الدين

رغدة جلال الدين

صحفية مصرية تكتب في المجال الفني، إلى جانب كونها ممثلة ومغنية بفرقة «بهججة»