اتثبتي وانتي سايقة؟.. نصايح تحميكي من العصابة

تثبيت العصابات للعربيات بقت حاجة في منتهى الخطورة وعشان عايزين سلامتك هنقولك في الموضوع ده على حاجات تعمليها وأنتي بتسوقي تحافظي بيها على نفسك، وربنا يسلمك.

متمشيش في شوارع مقطوعة

امشي دايمًا في شوارع تعرفيها يكون فيها ناس ومتمشيش بفكرة الطريق ده صحيح مقطوع بس أسهل للمكان اللي رايحه ليه لأن أنتي بكدة بتعرضي نفسك للخطر.

وممكن لا قدر الله يطلع عليكي حد ويثبتك بمطوة أو أي حاجة. فخليكي ماشية بمبدأ «طريق فيه ناس حتى لو زحمة أحسن من طريق سهل أتثبت فيه وأموت».

استبن ومية

خلي دايمًا معاكي في شنطة العربية استبن كاوتش وكوريك عشان تعرفي تركبي الاستبن لو الكاوتش بتاعك حصل فيه حاجة. انزلي وغيريه بنفسك بسرعة.

ده هيوفر عليكي إنك توقفي في الشارع وتستني لما ميكانيكي يجيلك لإن انتظارك ده ممكن يخلي حد ينتهز فرصة إن العربية واقفة ويجي يثبتك. وكمان خلي معاكي أزايز مية كبيرة عشان لو العربية سخنت تبرديها.

وكمان في حالة إن الدنيا مطرت أو فيه تراب على الإزاز ومفيش مية تغسل الإزاز الأمامي تحطي المية في العربية عشان تغسل الإزاز، فخلي معاكي كل حاجة هتحتاجيها في العربية عشان متحتجيش إنك توقفي بالعربية وتجيبي الحاجة اللي عايزاها.

«خلي بالك».. هتتعاملي ازاي لما تركبي تاكسي؟

إقفلي إزاز العربية كله واتأكدي إن اللوك مقفول وممكن تفتحي الإزاز اللي جنبك بس فتحة مش كبيرة أو فيه اختيار إنك متفتحوش خالص وتشتري ليكي مروحة صغيرة تساعد على التهوية.

أوعي توقفي

لو أنتي ماشية لقيتي حد رمى على عربيتك أي حاجة أوعي توقفي لأن دي محاولة من العصابة إنها تشتتك وتخليكي توقفي العربية وتشوفي إيه اللي حصل عشان يجوا ويثبتوكي فامشي على طول ولا كأن حد رمى حاجة واوعي توقفي. حتى لو اترمى سائل على الإزاز شغلي المساحات بسرعة واوعي توقفي برضه.

سيلف ديفينس

خلي معاكي "سيلف ديفينس" إليكتريك مثلًا أو إسبراي خليط من الفلفل والليمون والملح والشطة والكمون أو الاتنين مش هيضر وحطيهم جنبك في العربية بالظبط، وده عشان لو حصل أي حاجة تعرفي تدافعي عن نفسك وبعدها متخليش توترك يوقفك لأ خليكي قوية واجري بالعربية.

أحلامنا في سواق التاكسي

اربطي الحزام أمان ليكي وأنتي سايقة وكمان لما حد يركب معاكي خليه يربط الحزام وبرضه لما يكون معاكي أطفال في العربية اربطي الحزام عليهم عشان يحميهم.

وفي المستقبل إن شاء الله لما تتجوزي وتخلفي لازم تشتري عربية صغيرة وتحطيها في عربيتك علشان لما تيجي تقعدي ابنك في العربية بتاعتك تقعديه فيها وتأمني قعدته. وكل التأمين والحماية دي عشان تكوني محافظة على نفسك من أي خطر سواء حادثة أو تثبيت .

متوقفيش لحد

لو صادفك وأنتي ماشية بالعربية ولقيتي حد عمال يشاور ليكي متوقفيش ليه أبدًا لأنها ممكن تكون حركة من العصابة يوقعوكي بيها.

إعرفي إزاي تتصرفي

آخر حاجة عايزة أقولها ليكي إن لو حصل أي حاجة متتوتريش وتخافي وخلي عندك ثبات انفعالي عشان تعرفي إزاي هتتصرفي لأن طول ما أنتي متوترة، طول ما أنتي عرضة للخطر فاهدي وخلي عندك حسن تصرف وتوكلي على الله.

كيف تتخلص من فضول سائق التاكسي «الرغاي»؟

⇓نرشح لك⇓