دراما رمضان تحت رقابة السوشيال ميديا.. السخرية مستمرة

مسلسلات رمضان السنة دي فيها أخطاء فنية، خلّتها موضع سخرية وانتقاد الناس على السوشيال ميديا. تعالوا نشوف إزاي.

مسلسل الأسطورة لمحمد رمضان موجود فيه أخطاء منها:

– لما انضرب «رمضان» بالرشاش الراجل اللي عليه دوارية متهزش ولا إتحرك وده طبعًا خطأ أدى لتعليقات ساخرة على اللقطة دي.

- كمان فتحة الرصاصة كانت غير منطقية لدرجة إنها باينة إن فيها حاجة غلط مش معقول تكون كبيرة كدة لدرجة إن بدل ما الناس تتأثر بموته، قلب الموضوع معاهم بضحك وعلق واحد منهم وقال.

- تكوين الشخصية الجسماني، المفروض إن «رمضان» طلع بدور تاجر سلاح لكن تكوينه الجسماني ومشيته أثارت سخرية الناس لأنها كانت بالنسبة ليهم مشية مفتعلة. وده طبعًا يعتبر خطأ في تكوين الشخصية الدرامي. ونشرت صفحة «أساحبي» فيديو عن الموضوع ده. إزاي محمد رمضان بيمشي

- مفروض «رمضان» بيعمل شخصيتين في المسلسل شخصيته كتاجر سلاح وشخصية أخوه خريج كلية الحقوق وفي اللقطة اللي في الصورة وقع في خطأ إنه ظهر لابس نفس الساعة اللي كان لابسها وهو بيعمل الشخصية التانية.

فوق مستوى الشبهات

فرق السن اللي مش كبير  بين يسرا وليلى عز العرب أثار إنتقاد الناس على السوشيال ميديا لأن ليلى عز العرب طالعة بدور والدة يسرا والفرق في سنهم مش كبير. وده خطأ أدى لعدم اقتناع الجمهور بإن ليلى عز العرب والدة يسرا.

هى ودافنشي 

نفس عدم الإقتناع حصل لما ظهرت ليلى علوي في الحلقة الأولى من المسلسل بتحب أحمد سعيد عبدالغني اللي فرق السن بينها وبينه كبير.

القيصر

وفي مسلسل «القيصر» بطولة يوسف الشريف وقع الفنان أحمد حلاوة في خطأ طبي لما كان بيطمن على صحة أحد عساكر الأمن المركزي.

وقاله «السوفالدي عمل الواجب مع كلى الحاجة ولاطلع مغشوش» ومن المعروف إن دوا السوفالدي هو علاج مشهور لمرضى الكبد مش الكلى. الخروج 

ظهر الخطأ هنا في الحلقة الاولى من المسلسل لما هربت المتهمة من سيارة الترحيلات وهي مش لابسة الكلبشات وده طبعًا أمر بيناقض إجراءات القبض على أي متهم اللي لازم يكون في إيده كلبشات.