غير العيدية.. هدايا مختلفة لحبيبتك في العيد
لو بتفكر في العيد ده إنك بدل لما تدي حبيبتك فلوس تديها هدية بس مش عارف هتجبلها إيه. هنقولك على أفكار لهدايا مختلفة تجيبها ليها وكل سنة وحياتكوا كلها عيد في عيد :)
موقع www.hapilin.com عامل فكرة حلوة وهو إنك بتتصل بيهم على الرقم ده 01000910004 وبيجهزلوك علبة فيها شيكولاتات بأشكال شيك ومختلفة وكمان بجانب علب الشيكولاتات عندهم أشكال لبوكيهات ورد جميلة :)
وممكن بدل لما تديها الهدية بنفسك تقولهم إذا كان فيه إمكانية يبعتوها ديليفري على عنوان بيتها مفاجأة. وأسعار العلب والبوكيهات في متناول الميزانية اللي إنت عايزها للهدية.
150 جنيه
220جنيه
200جنيه
175 جنيه
بورتريه
ممكن كمان ترسم صورتها لوحدها على بورتريه أو صورتك إنت وهى وهتبقى تذكار حلو ليكوا مع بعض .وفي صفحة للرسام محمد أسامة سعر البورتريه فيها للشخص الواحد بيبدأ من 170 جنيه أما الشخصين فبتبدأ من 220 جنيه.والبورتريهات بتكون أحجام مختلفة.
خروجة مجنونة
ممكن تخرجها خروجة حلوة ومجنونة تخرج فيها كل طاقتها زي إنك تروح مكان اسمه GMAX Reverse Bungy وده عبارة عن كورة بتركب فيها وبترفعك لحد 50 متر فوق الأرض وتلاقي نفسك بتلف 360 درجة.
خان الخليلي مليان بمحلات الفضا وفي محل محمد السقا هتلاقي أطقم فضة بتتكون من خاتم وحلق ودلاية بسعر يبدأ من 200 جنيه على حسب الوزن والحجم.
ده غير إنك لو عايز تكون طقم هتلاقي أسعار في متناول إيدك. وبرضه خد جولة سريعة في الموضوع ده واتفرج على الأشكال والأسعار.
حاجة نفسها فيها
أما بقى لو فيه حاجة كانت نفسها تجيبها فهاتها ليها حتى لو بالنسبة ليك شايفها ملهاش لازمة لأن في نظرها هى ليها لازمة وهتفرح لما هتلاقيك جايبها يعني مثلًا لو بتحب شخصيات كارتون شركة المرعبين المحدودة هتلها الشخصيات دول وياسلام لو كتبت أشهر الجمل اللي بيقولها الشخصيات دول وحطيتها في بوكس صغير .
