أشهر أدوار «ستاموني» الكوميديا المصرية فؤاد خليل
فؤاد خليل، من نجوم الكوميديا اللي ليهم طلة خاصة بترسم ابتسامة على كل حد بيشوفه على الشاشة.. وفي الموضوع ده جمعنا ليكوا أشهر أدوار عملها خلال مشواره الفني.
الشاعر ستاموني
محدش يقدر ينسى الشاعر «ستاموني» في فيلم «الكيف» اللي أوحى لمحمود عبد اعزيز، إنه يعمل أغنية عن القفا :D ويكون مطلعها «ياحلو بانت لبتك، أول ما دابت قشرتك، تحرم عليا محبتك، وراح أتوب عن سكتك، القلب منك مليان جفا، والصبر من قلبي اتنفى، وضاع معاك كل الصفا... ضيعتو بعندك يا قفا.. اه يا قفا يا قفا يا قفا :D »
أما بقى لما محمد هنيدي وحنان ترك في فيلم «جاءنا البيان التالي» نزلوا يسألوا الناس عن أمنياتهم للسنة الجديدة راحوا لراجل غلبان اللي هو عم فؤاد :D و كان قاعد وسط ماية المجاري وبيتعامل إنه حمام سباحة للعيال بتفوح الروايح منه وبيتقل علينا اكمنوا :D سيد هربيدو
«سيد هربيدو» كان من ضمن فرقة الراقصة اللي كانت عاملة دورها سماح أنور في مسرحية «راقصة قطاع عام»، وكان ليه لازمة إنه يجري فجأة وبعدين يقعد على الأرض ويكمل لعب على آلة «الرق» وهو في حالة توهان من كتر الشرب :D دجال
فؤاد خليل في فيلم «التعويذة» كان قايم بدور دجال بيستخدم كل طرق الرعب عشان يخوف عيلة محمود ياسين ويسرا ويخليهم يسيبوا البيت اللي متمسكين بيه واللي هو كان عايزه وفيلم التعويذة من أفلام الرعب المصرية اللي فعلًا خلى كل الناس تترعب وهى بتشوفوا.
فؤاد خليل من مواليد القاهرة تحديدًا في يوم 19 يوليو 1940 واتوفى يوم 9 ابريل 2012 بمستشفى الجلاء العسكري وقدم لينا على مدار تاريخه مجموعة كبيرة من الأعمال المسرحية والسينمائية والتليفزيونية المتميزة.
