6 علامات بتقولك إنه هيفضل يحبك طول العمر.. رقم 4 هتفاجئك
جواكي خوف من المجهول وبتفكري يا ترى حبه ليكي هيكمل لغاية أخر العمر ولا لأ؟ نصيحة مننا متفكريش.. أيوا متفكريش لأن فيه 6 علامات بتثبتلك إنه هيفضل يحبك لأخر العمر ترجمنهالك بطريقتنا من موقع Life hack :)
- بيحل المشاكل بينكوا
أي مشكلة بينكوا مش بيتجنبها أو يراكمها جواه عشان المركب تمشي لأن همه الأول والأخير إن مفيش أي مشكلة تحصل تعكر صفو حبكوا.
فهتلاقيه في أي مشكلة بتحصل بينكوا بيتكلم معاكي وعايز في نهاية الكلام تكوني مش مضايقة وأي مشكلة بينكوا تكون محلولة. وده لأنه شايف إن الحب بينكوا مينفعش أي مشكلة تأذيه.
- مشاكلك من أولوياته
لو أنتي واقعة في مشكلة في الشغل أو في البيت أو مع أصحابك وجيتي تحكيله مش بيقولك إقفلي مش فاضي أو كلميني بعدين.
لأ خالص ده بيعتبر مشاكلك من أولوياته يعني لو عندك مشكلة بيقعد يسمع كل تفاصيلها ويطلعلك بالحل اللي يريح بالك لأنه عايز يشوفك دايمًا مرتاحة البال :)
- عايزك في أحسن حال
عايز يشوفك مرتاحة نفسيًا وفي أحسن حال. ودايمًا واقف في ضهرك وواثق فيكي وشايفك أجمل نساء الكون وبيدعم أحلامك وبيفكر معاكي بصوت عالي في حلم شغلك اللي بتتمنيه. ميهموش إذا كنتي تخينة ولا رفيعة دي بالنسبة ليه أمور تافهة لأنه لما حبك حب روحك الجميلة اللي دايمًا عايز يشوف ضحكتها مالية وشها.
- لو غلطتي فيه بيكون هادي
يعني لو اتنرفزتي عليه وقولتيله كلام يجرح بيقابل الفعل ده بهدوء وابتسام من جواه مش بيتعصب عليكي لأنه عارف إنك مش قاصدك تجرحيه وانك قولتيه في لحظة غضب منك فبيقدر حاجة زي كدة لأنه عارف إن مفيش حد معصوم من الخطأ.
- بيهتم بأدق تفاصيلك
كل التفاصيل اللي تفرحك بيهتم بيها لأنه عايز يشوفك مبسوطة دايمًا يعني مثلًا عمره ماينسى إنه يحتفل بعيد ميلادك ولا إنه يفاجئك مفاجأة حلوة بدون مناسبة. وحتى في المستقبل لما تتجوزوا لو مكنش بيوضب في بيته حاجة هيوضب عشان خاطرك وهتلاقيه بيساعدك في البيت.
- حكيم في نظرته للأمور
لو احتجتي نصيحته في أي حاجة قابلتك هيرد عليكي رد حكيم وموضوعي يفحمك كدة :Dوده بيبين ليكي إنه قد إيه هيكون أب عظيم مع أولادكوا لأنه هيسمعهم وهيقدم ليهم حكم تبقى حلقة في ودنهم لغاية أخر يوم في عمرهم.
