شاهد.. أغرب البيوت في العالم (2/1)

العالم مليان بالحاجات الغريبة اللي تخلي الواحد يزبهل قدامها ومن الحاجات ديه مجموعة بيوت تحس من أول وهلة تشوفها إنها مش بيوت بس لما تركز فيها تقول فجأة إيه ده، ده بيت ؟. ماتيجوا نشوف بقى ونزبهل كلنا :D 

اتبنى البيت ده في المدينة الروسية «كراسنويارسك» عشان يجذب السكان المحليين والسياح. وإتبني على شكل بيت مقلوب بالكامل. لبنان 

قرية مزيارة في لبنان دايمًا بتحب تبني  المنازل السكنية اللي بتشبه المعابد اليونانية القديمة والأطلال المصرية، إلا أن أحد السكان قرر يبنى بيته على شكل  طيارة إيرباص A 380. اليابان 

البيت ده إتبنى في طوكيو وزي ما إنتوا شايفين الواجهة بتاعته إزاز شفاف وبيعتمد على ضوء النهار الطبيعي.  وفكرته مستوحاة من أسلاف اليابان القدماء اللي كانوا بيسكنوا الأشجار. الميكسيك 

فكرة البيت إستوحاها مصممه سنوسيان أركوتيكتوس Senosiain ARQUITECTOS من صدف البحر وصمم البيت ده لزوج وزوجة في المكسيك. ساحل العاج. أبيدجان

سنة 2008 بنى الفنان موسى كالو بيت على شكل تمساح لصاحبه تييري عطا في أبيدجان أكبر مدينة في ساحل العاج. صربيا 

البيت ده إتبنى سنة 1968  على صخرة على نهر درينا بالقرب من بلدة صربيا على بعد 160 كم من مدينة بلجرادواللي بناه مجموعة من الشباب قرروا إن يكون البيت ده مأوى صغير ليهم. شرق فرنسا 

المنزل الشمسي الحيوي المناخي ثلاثي الأبعاد إتبنى سنة 2011 في كوسويلير شرق فرنسا وإتحط في زاوية ثابتة عشان يكون ليه علاقة بحركات الشمس. الصين 

أما بقى البيت ده فموجود في مدينة تيانجين في الصين وإتزين كله من مئات الملايين من رقائق  الخزف والطاسات والصحون والمزهريات القديمة. كوريا الجنوبية 

أول بيت يتعمل على شكل تواليت في العالم على بعد حوالي 46 كم من مدينة سول وده بمتاسبة إنشاء جمعية المرحاض العالمية في كوريا الجنوبية. والبيت ده مساحته هتوفر تخزين ماية كتير فيه. بولندا 

البيت ده زي ما إنتوا شايفين مساحته صغيرة جدًا موجود مابين مبنين كبار وعرضه بيتراوح ما بين 92 و152 سم. وعلى الرغم إنه مساحته صغيرة إلا إن الصورة الجاية بتوضح إن اللي ساكن فيه عارف يتكيف معاه بشكل كويس.

بريطانيا 

مصور قرر إنه يبني بيت باستخدام جميع المواد الطبيعية وكان هدفه يخلق مساحة معيشة تشبه البيت في فيلم The lord of the rings عشان يعيش فيه هو وعيلته وساعده في بناه حماه وخلال 4 شهور البيت كان مبني وإتكلف 5200 دولار. سويسرا 

 البيت ده موجود تحت الأرض جنب جبل في سويسرا ومن الصعب إن حد يشوفه بسهولة عشان كدة إتلقطت ليه صورة تشوفه فيها بوضوح.

تشيلي  البيت ده من البيوت اللي بتجذب السياح اللي بيروحوا تشيلي وده لأن اللي صممه عمله كأنه بيت واقع تحسه لوهلة إنه مطربق على بعضه نتيجة ضرب إعصار أو زلزال ليه. الصين 

منزل البيانو ده إسم البيت اللي إتبنى في الصين وكان محط إعجاب لناس كتير وكمان فيه منهم كان بيتسائل إزاي بيقدروا يحافظوا على  نضافة البيت كدة .

أمريكا 

ده أول بيت يتصمم بمساحة تسمح لكل عشاق السكيتنج إنهم يلعبوها جوا البيت والبيت ده بيمثل حلم لكل أجيال الإسكتبو أردر اللي كانوا عايزين يمارسوها.

والإسكتبو أردر ده إسم اللعبة اللي واقف عليها الولد في الصورة والبيت مقسوم لي 3 مساحات منفصلة أول واحدة غرفة المعيشة والمطبخ والتانية أوضة النوم والحمام والتالتة مساحة لممارسة السكيتنج.   المصادر  1   2   3  4   5   إخترنا لك