صناع الحياة.. تنظم «دوس ستارت» لطلاب أولى جامعة
تنظم أسر صناع الحياة بالجامعات المصرية إيفنت بعنوان «دوس ستارت» لطلاب الجامعة من الفرقة الأولى إلى الخامسة، على مسرح سيد درويش بالهرم، 1 أكتوبر القادم، لتعريفهم بالحياة الجامعية.
وأضافت عبر صفحتها بموقع «فيس بوك»، «دخلت ثانوية عامة قعدت تذاكر واتبهدلت دروس وصحيان بدري وسناتر بتتقفل وامتحانات تتسرب وتتعاد والنتيجة حاجة من اتنين يا إما جبت مجموع ودخلت كلية القمة اللي عايزها يا إما مجموع قليل شوية ودخلت كلية وخلاص أو دخلت خاص، الكلية أو الجامعة اللي دخلتها مش هو ده النهاية أكيد لكن الأهم إن دي حياة جديدة عليك تماما يا أما هتستفيد منها او هتدخل وتخرج بدون فائدة تذكر، عشان كدة لازم ندوس ستارت».
وأوضح الإيفنت «محتاج تتعلم لغة واتنين وتلاتة وأكتر، عاوز تعرف إزاي تشتغل وأنت طالب ومن غير ما تأثر علي دراستك، هتعرف تستفيد إزاي من الأنشطة الطلابية اللي هتكون حواليك كتير ولو حابب تطوع وتسافر برة مصر، تعليمك ودراستك كلها في مصر وعاوز تخرج من الحاجات التقليدية اللي متعودين عليها هنقولك إزاي تعمل كدة، طول ما أنت بتذاكر كنت مرتبط بحاجة وكانت بتساعدك إنك توصل لحلمك وكانت وسيلة ترفيه ومذاكرة ليك هنعرفك عليها أكتر، البنات نفسك تعملي اللي نفسك فيه وكتير حواليكي شايفين دماغك مطرقعة هتشوفي عندنا تجربة حية».
