خروجتك عندنا.. أم كلثوم في الساقية و«الطنبورة» على مسرح «الضمة»

عايز تخرج النهارده بس مش عارف تروح فين؟ النهارده الست أم كلثوم هترجع للحياة على مسرح الحكمة بساقية الصاوي، في إطار حفلات مسرح عرائس الساقية.

الحفلة الأولى لأم كلثوم هتكون الساعة 6 ، والتانية الساعة 8 بالليل.. وسعر التذكرة هيكون 15 جنيه بس.

أما فرقة الطنبورة البورسعيدية هتكون موجودة على مسرح «الضمة» بوسط البلد الساعة 9 بالليل وسعر التذكرة هيكون 30 جنيه.

والحفل من تنظيم مركز المصطبة للموسيقة والفنون التراثية. وعنوان مسرح الضمة 30 أ شارع البلاقسة من شارع التحرير، عابدين، القاهرة.