لو انت في القاهرة أو الإسكندرية وعايز تخرج، احنا هنقترحلك أماكن وخروجات حلوة.

حفل عمر خيرت

عمر خيرت هيقدم حفل في مهرجان الصيف الدولي الـ15 بمكتبة الإسكندرية الساعة 8:30 مساء.

التذاكر بتبدأ من 150 جنيه لحد 450، ومتاحة في شباك التذاكر بالمكتبة، وممكن الحجز أونلاين من هنا.

فولكلور في الأوبرا

لو انت من هواة فن الفولكلور، دار الأوبرا في القاهرة منظم عرض فولكلور أسباني بالمسرح المكشوف الساعة 8 مساءً، من تقديم منى بوركهارد.

وكمان هيكون فيه مجموعة كبيرة من أغاني و رقصات الباسودوبل الأسباني والأغاني اللاتينية الكلاسيكية.

سعر التذكرة 75 جنيه ومتاحة في شباك التذاكر بدار الأوبرا.

خسوف القمر

بكرة الساعة 7 مساءً هيكون فيه خسوف للقمر، ولو حابب متفوتش اللحظة دي مكتبة الزاوية الحمرا منظمة اليوم ده وهتوفرلك مشاهدة الخسوف بالتلسكوب مجانا.




0
0
0
0
0
0
0

شارك المقال


طالب بكلية الإعلام، يُتابع أخبار طلاب الجامعات