فيديو قاتل أماني قبل انتحاره يكشف تفاصيل مثيرة عن الجريمة.. وأسرة القتيلة تعلق

أثار قاتل أماني حالة من الجدل الواسعة، قبل انتحاره برسالته التي وجهها أثناء اختباءه في أحد الحقول، كاشفًا عن كواليس جريمته وأسفه الشديد لقتله الفتاة التي أحبها.

​​​​​​​

فيديو قاتل أماني الجزار

قال القاتل: «أنا أحمد أبو عميرة اللي كلكم بتدوروا عليه، أنا المجرم أنا اللي الكل اتهمه بالقتل والخيانة، أنا البني آدم اللي معرفش يعمل الصح حتى مع نفسه، معرفش يعمل اي حاجة، حتى البني آدمة اللي كانت في إيده معرفش يدافع عنها».

وأردف حديثه بنبرة باكية: «والله العظيم ثلاثة ما عملت كدا بمزاجي، وهي عارفه، هي عارفة كل حاجة، أنا كنت عايش علشانها، أنا كنت بتنفسها، هي اللي كانت بتشيل عني كل حاجة، وكنت بتشيل همي، هي الحلم اللي أنا بنيته لنفسي، عمرها ما قصرت معايا، ولا قالت اللي الناس بتقوله، ولا وصفتني الأوصاف الي بتقولوها».

وتابع: «انا موجود ودمي موجود ومستعد لأي تحليل.. الكلام دة بعد ما اخدلها حقها مني، لأني عمري ما هسامح نفسي».

وأضاف بعض الكلمات الغامضة قائلًا: «منك لله إنتي السبب وإنتي اللي عملتي فيا أنا وهي كدا، بقالك 45 يوم مموتاها حرام عليكي ليه كدة».

تعليق والد أماني على انتحار القاتل

على الجانب الآخر، علق عبدالكريم الجزار، والد أماني الطالبة المتوفاة، على فيديو انتحار قاتل ابنته قائلًا: «استراح قلبي بعد انتحار القاتل، والنهاردة بعد تشييع الجنازة رفضت أخذ العزاء، لكن بعدما تأكدت من وفاته أتقبل العزاء في ابنتي، لأن اقتصاص الله كان سريعًا في أقل من 24 ساعة».

وعن علاقتهم بالقاتل، قال: «مفيش اختلاط خالص بيني وبين أمه، والقاتل كان كلم والدتها وقالها عايز أتقدم لأماني، ووالدة ابنتي فهّمت القاتل أن المستوى العلمي والتعليمى مختلف بينهما، وأن والدها مش بيفكر في جوازها خلال الدراسة، وبنتي أصلا رفضت الجواز منه».