فنان شهير يتهم تامر حسني بالسرقة في أحدث أفلام نجم الجيل

يواجه الفنان تامر حسني اتهاما بسرقة فكرة فيلمه الجديد الذي بدأ تصوير مشاهده فيه تمهيدا لعرضه في موسم الصيف المقبل، ويحمل اسم «تاج».

أزمة فيلم تاج لتامر حسني

نشر الممثل أحمد التهامي عبر حسابه الشخصي على موقع التواصل الاجتماعي «فيسبوك» صورة من خبر يشير إلى بدء تصوير الفيلم الذي يؤدي دور البطولة فيه تامر حسني.

وعلق التهامي على الخبر قائلا: «أنا سكت كتير عن حقي عشان ما زعلش حد مني.. اتشلت من أدوار كتير وقولت مش مهم ولحد دلوقتي مش واخد حقي الفني والأدبي والمادي اللي يليق بمجهودي وتعبي في مشواري الفني وقولت كل شيء نصيب والحمدلله على حب الناس والدنيا مستورة والحمد لله».

وتابع التهامي: «إنما توصل إن مشروعي مشروع عمري اللي أنا تعبت فيه في كتابته ولفيت بيه على معظم شركات الإنتاج ولسه عندي يقين وإيمان بالله إن هيجي يوم واعمله يتسرق مني، ويعمله حد تاني بغض النظر ده فيلمي ومشروعي وأنا أول واحد من 10 سنين فكرت في فكرة البطل الخارق وطول الفترة دي كان يتسرق أجزاء من الفيلم وأقول عادي.. إنما التوأم الخارق ده بتاعي ومسجله في المصنفات والشهر العقاري».

واختتم: «تامر حسني صاحبي وأخويا وأكيد مايعرفش المعلومة دي أرجو الرسالة توصله لأن أكيد في ناس كتير مؤذية وحسبي الله ونعم الوكيل، أنا حاولت أوصل لـ تامر حسني ومعرفتش».

​​​​​​​