كلمة الرئيس السيسي اليوم في افتتاح مجمع الأسمدة.. عاوزين نطمن على المياه
ألقى الرئيس عبد الفتاح السيسي، رئيس الجمهورية، كلمة يوم الأربعاء 15 مارس 2023، على هامش افتتاح مجمع الأسمدة الأزوتية في العين السخنة، وتضمنت كلمة الرئيس اليوم العديد من النقاط الهامة.
وتحدث الرئيس السيسي عن أسعار المحاصيل الزراعية قائلاً : «احنا كحكومة اتفقنا على إن نعمل إعلان أسعار ضمان لـ 4 سلع.. القمح والذرة والفول الصويا وعباد الشمس.. ولذلك بطمن الناس.. والضمان يعني الحد الأدنى للدفع.. لو السعر العالمي أكثر هندفع أكثر.. لو القمح تعاقدنا على رقم.. ده الحد الأدنى.. طب زاد القمح هنشتري بالسعر وقت الحصاد.. بأكد على النقطة دي لكل القمح والذرة والفول الصويا وعباد الشمس».
كما تطرق الرئيس إلى أهمية الأرض الزراعية، بقوله :«بقول للفلاحين والمزراعين..الأرض اللى معاكم غالية جدا جدا استفيدوا منها..بدل التعدي عليها.. العالم كله عنده مشكلة في الإنتاج الزراعي..والطلب بيزيد علشان النمو السكاني..أرجو أن نخلي بالنا ونخدم عليها علشان تجيب خير الفترة الجاية».
كما تناول ملف المياه، قائلاً : «المياه التي تستخدم كمياتها كبيرة هنا، وعملنا محطة معالجة خاصة لها، بتوفر حوالي 50 ألف متر يوميا، بتجي من البحر الأحمر عبر مواسير تم مدها من المحطة حتى هنا، ويتم إعادة تدوير لمياه الصرف الصناعي واستخدامها مرة ثانية أو للحفاظ على البيئة».
وأضاف الرئيس في هذا الشأن بقوله : «عاوزين نطمن على المياه.. وأنا بقول المشروع الأول والثالث.. مشروعات الزراعة في سيناء والدلتا بنتكلم في إعادة معالجة مياه الصرف الزراعي من خلال محطات معالجة عملاقة.. بنتكلم للناس تسمع ده.. الأرقام كبيرة اوي ومش عندنا خيار تاني.. نكتب عنوان صغير "التنمية الصناعية" أو "التنمية الزراعية".. ده عنوان صغير وأقوله.. لكن علشان أحققه وأنفذه بياخد وقت وجهد وفلوس كتير».
