كلمات تتر مسلسل تغيير جو من بعيد لبعيد لـ أمير عيد

تفاعل الكثير من الجماهير مع تتر مسلسل تغيير جو الذي تم عرض أولى حلقاته على شاشات mbc مصر في منتصف رمضان، من غناء الفنان أمير عيد، وتوزيع شريف مصطفى.

شارك في بطولة المسلسل كل من الفنانة منة شلبي، وميرفت أمين، وإياد نصار، وأحمد مالك، وماجدة ذكي، وصالح بكري، وشيرين، ومحمود قابيل وإخراج مريم أبو عوف.

كلمات أغنية من بعيد لبعيد

تقول كلمات الأغنية: «أنا بجري مني وبجري ورايا

أنا بجري من حاجات قديمة جوايا

بجري ومش شايف بكرا

وعيني في قفايا

اللي فات عمره ما مات

إحنا بس اللي بنموت

أنا بجري والسنين بتجري معايا

أنا بجري والحنين عايش جوايا

أنا بيني وبيني مسافات اتنين عن بعض أغراب

أنا برسم متاهات

 تبعدني عن أي نهاية

والقلب خواف مع كل خطوة دايما في حيرة

والعقل شواااااف 

يفيد بإيه البصر من دون أي بصيرة

بجري من حكاية وقصة كدابة

بقرأ بين السطور يمكن الاقي إجابة

الدنيا مدى فوق والمعاني مخفية

أنا مش بصدق في الكلام بصدق في النية

أنا بجري ورا طموحي

 بجري ورا أحلامي

أنا بجري مش بتقدم أتاريني واقف في مكاني

بجري ورا إحساس مش شايفاه العين

ماصدقش في الحساب واحد+واحد مش شرط يبقوا اتنين

قلبي خوااااااف

مع كل خطوة دايما في حيرة

والعقل شوااااااف 

يفيد بإيه البصر من دون أي بصيرة

لو المكان مش مكاني

الدنيا واسعة ولسه فيها

فيها حب .. فيها أماني

اللي بيدور على نفسه بيلاقيها

لو بقيت من جوا حلو الدنيا هتحلو

ساعات كل اللي بنحتاجه

تغيير جو

ونبطل نخااااااف

نمشي كل خطوة بدون حيرة

والقلب شوااااااف

قادر يشوف الدنيا حلوة وجميلة».