السيسي في قداس عيد الميلاد يعبر عن مدى حبه للبابا تواضروس (فيديو)
تواجد رئيس الجمهورية، عبدالفتاح السيسي، اليوم السبت، بكتدرائية العاصمة الإدارية، لتقديم التهنئة للمسيحين بمناسبة «عيد الميلاد المجيد»، بالتزامن مع إقامة القداس الخاص به.
كلمة السيسي اليوم
وافتتح السيسي كلمته بتوجيه التهنئة للبابا تواضروس ولعموم المسيحيين، قائلا: «نتمنى من الله سبحانه وتعالى وندعوه إنه يخلي العام ده نهاية لفترة صعبة مرت على العالم كله».
وأضاف: «من 2020 الظروف والأزمات صعبة، ونتمنى حتى الأزمة الكبيرة اللي بنعيشها دلوقتي في منطقتنا تعدي، وأنا مش عايز أتكلم في مشاكل واحنا جايين في العيد نشارككم فرحتكم ونهنيكم ونتمنالكم كل خير».
وتابع السيسي: «على كل حال، إن شاء الله السنة دي تبقى سعيدة علينا كلنا، ونتجاوز فيها بفضل الله سبحانه وتعالى الأزمات الكبيرة، ونتمنى متزيدش ومتستمرش أكتر من كده».
وواصل رئيس الجمهورية: «أكتر أزمة إحنا بنعيشها كلنا وتأثرين بيها اللي بيحصل في قطاع غزة والضفة الغربية، وإحنا في مصر لينا في مصر لينا موقف محترم، بنسعى إلى على الأقل يكون في وقف لإطلاق النار، وإدخال المساعدات للتخفيف عن أشقائنا وأهلنا في غزة، ثم يبقى في حل للقضية اللي بتتجدد كل كلم سنة وتسببلنا الألم كلنا».
وقال السيسي: «تحياتي واحترامي لقداسة البابا اللي أكن ليه كل تقدير واحترام، والمحبة دي ناجمة عن مواقف ميعملهاش إلا رجال بيحبوا بلدهم ومؤمنين بيها وحريصين عليها، وأنا عشت الكلام ده عمليا مع قداسة البابا».
