خروجات مطرقعة.. هتخلي الفلانتين «جنان»
أحلى ما في الحب هو الجنان اللي بيخرج الطفل اللي جواك وبيخليك عايش في بهجة، وبما أن «الفلانتين» قرب فمفيش أحلى من أنك تخرجها خروجة مطرقعة تخلي عيد حبكوا جنان × جنان. في الموضوع ده «شبابيك» هيقترح عليكوا حبة خروجات مطرقعة :) .
أفريكا سفاري بارك
لو نفسك تقابل الزرافة وتقعد تتكلم معاها عن طولها اللي بيحسدوها عليه الناس يبقى روح «أفريكا سفاري بارك» لأنك مش بس هتقابل الزرافة، لأ ده أنت هتلاقي كل الحيوانات ملمومة حوالين العربية بتاعتك وبيلعبوا معاك لأن المكان عبارة عن غابة مفتوحة على مساحة 200 فدان، والدخول بيكون بالعربيات بتكلفة 300 جنيه للعربية، أيًا كان عدد الأفراد، وبرنامج الرحلة بيشمل «سفاري، ورحلة نهرية بالمراكب، وبيت الطيور، وبيت الزواحف، والكهف» والجولة بتستغرق من ساعتين ونصف حتى ثلاث ساعات.
مواعيد العمل
من 9 صباحا حتى 6 مساء.
العنوان
كم 65، طريق القاهرة الإسكندرية الصحراوي.
التليفون
01223600967 – 01001175098
اقرأ أيضًا : مطاعم بتقدملك أكل هندي بأقل من 100 جنيه اضغط هنا
Break out Egypt
أما لو عايز تتخطف وتعيش حالة من المغامرة فـ«Break out Egypt» مستنيك. والمكان ده عبارة عن أفراد بيخطفوك ويحطوك في غرفة من الغرف ديه (مرحاض عام، قبر ملعون، سجن) وعليك أن تحاول في 60 دقيقة أنت والفريق اللي هيكون أقصى عدد أفراده 5 أشخاص أنك تلاقي مخرج تخرج بيه من الغرفة.
العنوان: B311 شارع التسعين بالتجمع الخامس. والمواعيد: من 4 مساء لـ1 صباحا.
السعر: 350 جنيها للفردين، 360 جنيها لــ 3 أفراد، 400 جنيه لـ 4 أفراد، 450 جنيها لـ 5 أفراد. التليفون: 01210529695
فجنون أرت سكول
فاكر لما كنت بتلعب بالطينة وأنت صغير؟ لو فاكر يبقى يلا العب من تاني مع «فجنون أرت سكول». ومش بس هتلعب بالطين ده أنت هترسم على الزجاج وتلون وتنحت وتحارب بالألوان :) وفجنون ليه 3 فروع تقدر تزور واحد منهم.
فجنون أرت المريوطية: الكيلو 12.5، طريق سقارة السياحي، الهرم، سعر الدخول للفرد 40 جنيها شامل كل الأنشطة.
فجنون فلاح: طريق المنصورية، الهرم، سعر الدخول للفرد 30 جنيها شامل كل الأنشطة.
فجنون أوايسيس: 1 طريق المطار، مساكن شيراتون، مصر الجديدة.
ومواعيد العمل: من 9 صباحا حتى 5 مساء للأنشطة، ويمكن البقاء في المكان بعد 5 مساء.
تليفونات الفروع: 01006818790 – 01224569141 – 01005293822 – 0238151633
اقرأ أيضًا : لوبتحبوا البيتزا جدًا يبقوا اختاروا مطعم من أفضل مطاعم البيتزا الإيطالية والشرقية بالقاهرة
من هنا
Casa de carne
أما بقى لو بتحب اللحمة فروح مطعم «Casa de carne» وكل براحتك. أول ما تدخل المطعم هيبقى قدامك على الترابيزة «Domino» طول ما الأخضر بتاع «الدومينو» فوق هيعدي عليك الويتر بصنف لحمة جديد ولو حابب تريح شوية اقلب الـ«Domino» وخلى الاحمر فوق و لما تجوع تاني رجع الاخضر وهيعدي الويتر عليك.
العنوان: 2 شارع فلسطين – المعادي – داخل The Courtyard قريب من بندر المعادي. وسعر الفرد 150 جنيها.
GMAX Reverse Bungy Egypt
أما لو نفسكوا تقولوا كلام ميسمعوش غير النجوم :) يبقى روحواGMAX Reverse Bungy Egypt. والمكان ده عبارة عن كورة بتركب فيها وبترفعك لحد 50 متر فوق الأرض مع اللف بيك 360 درجة.
العنوان: في مول العرب أمام بوابة 20. والمواعيد: يوميا من الساعة 11 صباحًا حتى 11مساءً، ماعدا الجمعة من 12 ظهرا حتى 12 صباحا. والسعر: 150 جنيها للفرد في حالة ركوب 3 أفراد. 200 جنيه للفرد في حالة ركوب فردين فقط. والتليفون: 01143411587
اقرأ أيضًا: أما لو عايز تاكل أكلة صيني معتبرة بسعر كويس اعرف المطاعم من هنا
كي أكشن سبورتس - Paint Ball
أما لو نفسك تدخل في معركة أنت وحبيبتك فروح كي أكشن سبورتس – Paint Ball. وهتستلم اللبس والمسدس والطلقات، الـ100 طلقة بيكون سعرها 120 جنيه و الـ150 طلقة سهرها بيكون 160 جنيه والـ200 طلقة بـ200 جنيه، وبيكون فيه 3 سيناريوهات للعب تختار واحد منها وتبدأ.
مواعيد العمل: من 2 الضهر إلي 11 مساء. والعنوان: داخل نادي الرحاب الرياضي، بوابة رقم 5، مدينة الرحاب. والتليفون: 01113072722
هيعجبك
