عايز تحسن «لغتك».. مواقع هتخليك تسمع الكتب
معظمنا فاكر إن تحسين أي لغة عنده محتاج للقراءة والكتابة أكتر من الاستماع، مع إن الحقيقة بتقول عكس كده لإن حاسة السمع عند الإنسان ليها دور كبير خصوصًا في الناحية التعليمية.
وعلشان كده «شبابيك» بيقدملك في تقريره النهارده أهم 11 موقع لكتب صوتية هتساعدك كتير في تحسين المهارة اللغوية عندك. 1- librivox
هتلاقوا في الموقع كتب كتير ممكن تسمعوها وكمان لو تحبوا تطوعوا وتسجلوا كتاب بصوتكم للناس، تقدروا تعملوا ده من خلال الموقع.
تسجيلات الموقع بتشتغل على أي جهاز كمبيوتر أو موبايل. اقرأ ايضًا⇐«اسمع الكتب».. مواقع توفر عليك القراءة
2- storynory
لو إنت من الناس اللي بتحب القراءة والاستماع في نفس الوقت، هتقدر تمارس ده هنا لإنه الموقع بيوفرلك الخاصية دي بسهولة، فقط قم اضغط تحميل وأبدأ رحلتك.
كمان هتلاقي أغاني كلاسيكية وقصص تربوية وعالمية، بالإضافة لركن خاص بالقصائد والموسيقى اللي ممكن تسمعها وإنت بتقرأ القصص.
3- learnoutloud
لازم تعمل حساب عليه علشان تقدر تحمّل أي كتاب إنت عاوزه، وفي خانة الكتب الصوتية هتلاقي اختيارات كتيرة منها: «الفنون - السياسة - الفلسفة - الدين - العلوم الاجتماعية... ».
أما في الترشيحات هتلاقي قوائم بأكثر الكتب مبيعًا وأخرى بأجددها وأبرزها، بالإضافة لقسم صوت وتعليم خاص بالأطفال.
4 - miettecast
لو بتحب القصص القصيرة، يبقى الموقع ده هو المناسب ليك، لأن هتلاقي عليه كتير من القصص القصيرة المسلية، بس في الأول لازم تعمل حساب على الموقع عشان تقدر تستفيد من اللي بيقدمه. اقرأ أيضًا⇐للقراء.. تطبيقات توفر لك الكتب PDF
5- Newfiction
الموقع بيعرض عدد كبير من القصص اللي تقدروا تسمعوها وكمان هتلاقوا على الموقع E-books تقدروا تنزلوها.
6- podcastle
من المواقع المتخصصة في قصص الخيال العلمي، وإسبوعيًا هتلاقوا عليه قصص جديدة للناس اللي بتحب الخيال العلمي.
7- lit2go
مكتبة ضخمة من الكتب الصوتية الخاصة بالقصص والشعر وملفات الـMp3 وهتقدر من خلاله تعمل بحث عن ناشر أو كتاب إنت حابب تقرأه.
8 - loyalbooks
الموقع بيضم أنواع مختلفة من الكتب: «خيالية - كوميدية - أدبية - فكاهية...».
التحميل مش محتاج فيه لأي اشترك، بالإضافة لإن الموقع فيه ملخص صوتي هيعرفك بمحاور القصة وأشخاصها بحسب اللغة التي قمت باختيارها في البداية.
9- Audiobooks
من خلال تقييمات الكتب الموجوده في الموقع هتقدروا بسهولة تتعرفوا على أفضل الكتب وتقرأوها، وكمان الموقع فيه أكتر من تصنيف تقدروا تختاروا منهم.
10 - Freeaudiobooks
كتير من الكُتاب المشهورين هتلاقوا الكتب بتاعتهم موجوده على الموقع ده تقدروا تسمعوها وتستمتعوا بيها.
11 - Audio Books & Poetry
هنا كمان هتقدر تسمع مجموعة متنوعة من الكتب الصوتية سواءً كانت شعر أو خيال علمي أو قصص رومانسية.
الموقع لا يحتاج تحميل، فبمجرد الضغط على زرار الاستماع تبدأ جولتك مع أمتع القصص وأروعها على الإطلاق.
